مقهورة من جد حسبي الله ونعم الوكيل

حسبي الله ونعم الوكيل الله لا يحلله ولا يبيحه اللهم انتقم لي منه يا ارحم الراحمين 

اليوم رحت للاتصالات ابي اطلع لي رقم باسمي وتفاجأت لما قالت الموظفة عليك مديونية بقيمة 1170 ريال 
انا استغربت قلت ما عمري طلعت فاتورة باسمي قالت الا مطلع الرقم هذا من عام 2004 واحنا الحين في عام 2014 يعني من عشر سنوات 
وقالت مبين انها مستخرجة بدفتر العائلة مو ببطاقة الهوية لان البطاقة من جديد طلعت وممكن واحد من إخوانك طلعها فلما كلمتهم وسألتهم أنكروا الرقم قالوا ما نعرفه طبعا انا قدمت شكوى على الاتصالات ابي أشوف ايش القصة 
ولما جلست أحلل القصة هذه انا تزوجت في هذه السنه وتطلقت مرتين وواحد منهم خلع والثاني طلاق عادي ربي ما كتب استمر معه 
وش هذه الصدف يطلع باسمي الرقم وبدون علمي والله يعلم بايش كان يستخدم وانا يا غافلين لكم الله ما ادري عن شي طبعا انا شكيت بالإول لأن أخلاقه مره زفت وفي نفس الوقت خفت يكون ما شال اسمي من عنده وخفت من جد من المسائلات امي تقول لا بتحثين في الموضوع ولا نبي مشاكل احنا في غنا عنها لإني الحين متزوجه من اربع سنوات وعندي أطفال وزوجي مركزه حساس جداً 

انا ما همني المبلغ كثر ما قهرتني الحركة استغفال لهذه الدرجة 
يا رب كل من ظلمني خذ حقي منه في الآخرة 
وش رأيكم وش الحل مع اني علمت زوجي بالسالفه كامله قلت أخاف يصير شي يكون عندك خلفيه بالموضوع وهو الي ثبت شكوكي بالأول 
حسبي الله عليه حسبي الله ونعم الوكيل يا رب خذ حقي منه مثل ما قهرني 
يا رب فوضتك امرئ فأنت المدبر والميسر فيسر لي ما تعسر