مقهورة من زوجي

السلام عليكم

باختصار زوجي لما كنت حامل في مرا جاب معاه ملفوف كرومب مغلف بسلفان زهري قلتله من فين قال وحده تعمل اكل وتبيع مصريه انا من جده قلتلو ايوه ولي تأخذ منها قال أشفيها نجرب أكلها. وانا يابنات نفسي ارمي الصحن بدون ماياكلو من القهر من هذي ومن فين عرفها وصح كلامه او لا انا قلت يمكن من الإنستجرام او توقرت لان في ناس كدا تعرض الاكل وبصراحة مرررررا مقهورة كيف يأخذ الإكل ومن هذي ولما أقولو أعطيني رقمها ابغا اطلب يقولي اطلبي انا أكلمها مادري عنو بس بصراحه مقهورة دحين انااطبخ بعد ولادتي واليوم أقولو ايش تبغا اكل يقولي لا حاجيب معايا ملفوف وحاصورو وأنزلكم الصوره بصراحه مابغا ابين أني مقهورة أخاف يتمادي لان كل مرا أزعل وأقولو من هدي يضحك ويقولي عادي وحده تطبخ بصراحه فكرت في فكره بعد أسبوع او أسبوعين اعمل ملفوف وأغلفة بنفس السلفان ونفس الصحن ووقت العشا أقدمو كدا طبعا حسيتغرب وحيقولي ماشاءالله من فين جبتي وانا متأكدا ماحيسكت وحينتظر مني اجاوب مدري ايش أقول لو قلت من نفس الي تطلب منها ماحيصدق ممكن يقولي طيب أعطيني الرقم وكدا اطلع كذابه مدري صراحه بس مقهوررره