مقهوررره من زوجي

:(لسلام عليكم لاحلى بنوتات حواء بدخل على الموضوووع
بنات انا من يوم ما اتزوجت ما سافرت شهر عسل ولا اتمشيت ولا شي وطووول وقتي في البيت او عند اهلي ونادرا ما نخرج بس مقاضي البيت ونرجع استغفر الله العظيم طفشت نفسي اساااافر واتمشى وكل ما اقول لزوجي نبغى نسافر يقول بعدين مع انو الحمد الله الامور الماديه لا باس بيها قبل تقريبا شهر ونص جالسين انا وهو تنكلم على السفر بنتاقش وقلتلو نفسي نفسي اساااافر واركب الطياره حتى لو نروح المدينه او الشرقيه نفسي اغير جو قالي اوكيه ايش رايك بعد العيد اخذ اجازه واسفرك انا على طووول ما صدقت قولتلو خلااااص اي مكااان المهم اني اغير جو قلي ايش رايك نرووح شرم الشيخ انا على طووول وافقت بدوون تردد وخلاص من وقتها وانا احلم واحلم واجهز من دحين ا
يش اخذ وادخل المنتديات السياحيه واقرا عن اماكن الترفيه والفنااادق يعني كل شي

واليوم انا وهو بنتكلم على السفر قالي خلاص بس مو لازم نسافر قولتلو ليه قالي مدري انتي ما تستاهلي انك تسااافري خلاااص يا بنتات حسيت انو الدنيا مقفله في وجهي قولتلو ليه انا ايش سويت صبرت معاك على الحلوووه والمره والله حتى طلباتي استحي اطلب وفي اشياء كثيره ناقصتني واسكت وما اتكلم لانو زوجي من النوع اللي يعاير حتى لو شي بسيط قلي خلاااص ما في سفر ولا شي
قولتلو اوكيه طب اعطيني الف ريال اشتري فستان لواج بنت خالتي وزواج ولد عمه يعني فستاان لي منا سبتين قلي ما في وولار ريال مو لازم تخرجي وتتمشي وتسافر ي وتروحي زواجات انطقي في البيت مع اولادك والله يا بنات مررره قهرني الحمد الله مني مقصر ه معاه ولا في شي بس هو يحب ينكد عليا ويهينني وعلى طووول يغلطني ويطول لسانو عليا ويجيب المواضيييع القديمه ويتكلم فيها وانتي وانتي ما تستهالي ولاشي وجع وعمى ومن الكلام اللي يسم البدن
وانا بس ابكي مقدر اسوي شي احيان ارادد بس انا في النهايه باكل على راسي
احتر ايش اسوي معاه جيتوو بكل الطررق بس هو عنيييد وراسه يابس ويتحكم فيا وفي البيت ويجلس يصارخ وما يعجبو العجب وربي احترت معاه ادعولي انو ربي يصلحو ويهديه