مقهورهـ مرآأإ

أم الهتون :

باسم الله عليها ربي يحفظها من كل حاسد وعائن .. ويا رب تشوفينها أحلى وأحسن البنات. بس أصلاً انتي متأكدة انها تناديج وتنادي ابوها؟ :) يا اختي عيالي نفس الشي من اول شهورهم طايحين ماما وبابا ... لكن حتى الدبدوب اللي طايح حذالهم يقولون له ماما وبابا :) المقصود ان الطفل ممكن ينطق الحروف .. مجرد حروف .. لكنه ما يعني كلمة ماما وبابا بالتحديد. تدرين .. انا كانت تصير وياي مواقف مشابهه .. مثلاً عيالي ينطقون حرف الباء قبل حرف الميم فتطلع معاهم بابا قبل ماما .. فأم زوجي كانت تستانس وتتشقق لما تسمع من الصغير كلمة بابا وتقول حلييييييله شفتي كيف ينادي ابوه .. شفتي كيف يبا ابوه. وانا بصراحة اضحك من داخلي لاني عارفة ان الياهل يقول مجرد حروف .. وحتى لو شاف الهندي اللي في الجمعية بيقول له بابا :) حتى اذكر بنتي لما بدت تنطق حرف الدال كانت تقول (أدّا) .. وأم زوجي مااااتت من الفرحة يومها على بالها تناديها (يدّو) .. مع ان ولدي اصلا ما يناديها جذي وبنتي عمرها ما سمعت كلمة (يدو) من حد :) الخلاصة .. لا تشغلين بالج بكلام الناس لأنهم يحبون يفسرون الأمور على كيفهم .. انتي بس حصني بنتج يومياً بالمعوذات وآية الكرسي والدعاء وان شاء الله ما عليها خوف.

باسم الله عليها ربي يحفظها من كل حاسد وعائن .. ويا رب تشوفينها أحلى وأحسن البنات. بس أصلاً...