tuka :

معذره ما فهمت إش سوت لأمك بس عن نفسي تقلل إحترام أمي آكلها بسناني وإذا أخي مو عاجبه آكله هو بعد بكبره أقصد بصغره

معذره ما فهمت إش سوت لأمك بس عن نفسي تقلل إحترام أمي آكلها بسناني وإذا أخي مو عاجبه آكله هو بعد...

&روعة الحياة& :

كفو عليك اذا مانتصرتي لامك متى تطلع شهامتك كفو عليك ولاتنقعرين ولاشي خلي رايك مرفوع واستشعري نشوة الانتصار

كفو عليك اذا مانتصرتي لامك متى تطلع شهامتك كفو عليك ولاتنقعرين ولاشي خلي رايك مرفوع واستشعري نشوة...

🇸🇦السعوديه🇸🇦 :

?ماشاء الله على الرد!!!! يعني إذا أمك إنسبت قدامك تبادرين الي سبتها بالطيب والإبتسامه وتعطينها فرصه كذى مره هي تسب أمك وإنتِ تسوين نفسك طيبه ومتفهمه!! وبعد ماتكرر غلطها مية مره أرووووح لإستشاري نفسي وأقوله وحده تسب أمي بالله عطني مبرر لها عشان ما أهاوشها ثم أسكت لأن الله سبحانه وتعالى بيأدبها! وأنتظر أنا متى تتعالج ومتى تتأدب وتكف أذاها عن أمي!؟ وليش؟ عشان أبين إني مؤدبه وصبوره ومتفهمه لقلة أدب زوجة أخوي!! وأتناسى أمي الكبيره ونفسيتها وكلام الزوجه المؤلم وقلة أدبها وتماديها على أمي! المؤمن قوي صاحب حق وصاحب مبدأ مايغلط على أحد ولا يسمح لأحد يغلط عليه! دفاعي وذبي عن أمي ما يتنافى مع كوني مؤمنه! ولا حرام أوقفها عن حدهاااا مامرت عليك آيات جواز الدفاع ورد الظلم. مامرت عليك وَجَزَاءُ سَيِّئَةٍ سَيِّئَةٌ مِثْلُهَا" وَلَمَنِ انْتَصَرَ بَعْدَ ظُلْمِهِ فَأُوْلَئِكَ مَا عَلَيْهِمْ مِنْ سَبِيلٍ" (فَمَنِ اعْتَدَىٰ عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَىٰ عَلَيْكُمْ وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ (وإن عاقبتم فعاقبوا بمثل ما عوقبتم به) مهو وقت ضعف ومثاليه ومسكنه وخرابيط. هذي أمي الي يهينها بنظره والله وبالله وتالله لأكرهه اليوم الي إنولد فيه. ولا مر علي كذى ولا أحد يتجرأ أصلا! بعض الردود يبيلها حذف وتجاهل وطمس

?ماشاء الله على الرد!!!! يعني إذا أمك إنسبت قدامك تبادرين الي سبتها بالطيب والإبتسامه وتعطينها...

🇸🇦السعوديه🇸🇦 :

مره ياريم كنا في مزرعه عزيمه كبيره وفيه وحده غلطت على أم وحده من الحاضرات. الي غلطت تصير أخت زوجة أخو المغلوط عليها. بعطيك زبدة الهرج لأن السالفه تطول قالت هذي لأخت الزوج وكانت سوالف عامه لكن فجأه قالت بسخريه ترى والله أقوم وأرميك في صندوق الزباله وهي تقصد إن الحرمه ذي حجمها صغير يعني بسهوله اشيلك وأرميك! المغلوط عليها عندها ٣ بنات لكن ماسمع الكلمه ذي إلا وحده منهم لأن المجلس كبير وكل مجموعه تسولف منحال وأنا كنت مع هذي المجموعه طبعا كلام هذي الحرمه صدمني لكن بنتها ما خلت لأحد فرصه يستوعب ولا يرد ولا حتى يناظر فيها قسم بالله قامت زي الصاروخ وهي تصرخ انت يا ..... ترمين أمي في الزباله.. وإمسكيها مع حلقها وضرب وهواش والحريم تجمعوا الي تصرخ والي تفرق بينهم وبنات ذي فزعوا وبنات ذيك فزعوا وسالفه طويله ما إنحلت إلا بتدخل الرجال على مدى اسبوع وهم صلح ومن قال ومن سمع ومن شهد... المهم البنت ذي والله كل ماجت سيرتها قالوا كفو بيض الله وجهها عز الله إنها بنت رجال تخيلي لو سكتت وما دافعت ولا هجمت! كيف ردة فعلنا حنا الي شفنا وسمعنا كيف بتكون نظرتنا لها؟ وأمها الكبيره الضعيفه كيف ردة فعلها ووحده حقيره تقول برميك في الزباله! وقفيها عند حدها هدديها انك بتشتكينها اقلقي راحتها عن أمك

مره ياريم كنا في مزرعه عزيمه كبيره وفيه وحده غلطت على أم وحده من الحاضرات. الي غلطت تصير أخت...