مقهوره.. أمي ملغية شخصيتي وترفض أن أخذ حقي من الآخرين

انا اقولك ردي ودافعي عن نفسك امك لاتهتمين لها ابدا
ماتهمك
وش هالظلم بس
استغفري واجد واهم شي الوتر

امك غريبه صراحه بعدين انتي مو بزر وش كف وبتقطع السانك

اختي الله يفرج همك ويسهل عليك يارب
الدنيا يااختي يبي لها صبر تلاقين ناس اشكال والوان ونفسيات وشوفة نفس وكلام وقح وناس بجحة
لاتهتمين فيهم هالاشكال مستفزه بشكل ومقهوره منك وتبي تحبطك لان عارفه قد ايش انتي قوية ومايهمك كلامهم باي شكل تحاول تمارس عليك الحرب النفسية اساليني عنهم!
اللي قالت انك ماتتروشين ومدري ايش مقهوره منك وتبي تطلع حرتها فيك وتحرجك قدام الناس
وجارتك الوقحه بعد مقهوره منك وتبي توريك قد ايش انك كبيره وانك فاتك القطار والخ بس ضحكها هي وبناتها دليل على انها وهم عقولهم صغيرة وانهم مقهورين منك خليهم يموتون بغيضهم واتركيهم ياكلون تبن
لاتطلعين لهم واتركيهم وحاولي تتجاهلين هالاشكال كلها وتحقرينهم ولاكانهم موجودين ابدا حتى لو يتكلمون سوي نفسك انك ماتسمعين
الحقران يقطع المصران كانهم مو فيه وعيشي حياتك
الناس مايفهمون ان الزواج رزق ونصيب مكتوب مانتدخل فيه ابدا واللي يحاول يتطنز بيلاقيها في اعياله الدنيا دواره
انبسطي وصيري عندك ثقة بنفسك ولاتهتمين ابدا لاي شيء
واذا بتردين مايحتاج تردين بصوت طويل يكفي كلمة قوية تعلمهم ان الله حق بدون مااجادل معهم
وامك قولي لها وتفاهمي معها قولي لها ليه تضربيني وانا كبيره وليه تخافين على زعل بنت اخوك وبنتك تتمسخر عادي
وانا لي مشاعر واحاسيس انقهر لما الكل يتكلم عني

امك ماتبي الامور تكبر والمشاكل تكبر علشان كذا ماتبيك تدخلين في جدال
او انها تشوف انك اندفاعيه وممكن تغلطين على اللي قدامك باسلوب مو كويس او تنقصين من قدر احد


وانا احيانا اشوف لما نرد ونعطي اللي قدامنا اهميه يزيد في غثانا ويتمادا ويتفنن كيف يستفزنا


في امور صراحه ماينسكت عنها لكن يبي لها رد محترم يلجم اللي قدامك بدون استنقاص منه ولا ذكر عيوبه
لكن في بعض امور السكوت عن اصحابها افضل لانها تبين لك عقليه اللي قدامك واذا عقليته صغيره طبيعي يبيك تنجرين وتصغرين عقلك معه


وعلى فكره ترا السكوت احيانا يبط كبد الشخص اللي قدامك لانه ماصدر يستفزك فيرتفع ضغطه




علشان كذا انتي كبيره وشوفي الانسب


اذا موضوع يستحق الرد ردي بادب والجمي اللي قدامك بدون ماتنقصين قدر احد


واذا موضوع تافه طنشي وراح تشوفين كيف ينغاض اللي قدامك ويحرق نفسه بنفسه




بالتوفيق

كل القصص في بيتكم.
وهم ضيوف تحملي شوي والا بيطلع عليكم سمعة شينة اتوقع أمك حريصة عليك حتى لو مااحسنت التصرف