مقهوره على بنتي

ي عمممري انتي ربي يفرج همك ويفرحك في بنتك اسمعي ي قلبي

راجعي قسم القبول والاختبارات في إدارة التعليم (مو المدرسة نفسها) واشرحي لهم وضع بنتك الصحي مع التقارير الطبية
عادة إذا عند الطالبة تشخيص رسمي (فرط حركة/تشتت) تـرى لهم أولوية في القبول

ولاتتعبين نفسك وتتنقلين لحالك بين المدارس كثير خلي المعاملة رسمية عبر الإدارة هم يوجهون المدرسة اللي لازم تقبلها وغصبًا عنهم يقبلونها

واذا تفلسفوا وقالوا لك زحمممة

قولي لهم
أنا أبغى خطاب رفض مختوم منكم 
وخوذية لإدارة التعليم 
لان الإدارة لما تشوف خطابات رفض تتصرف وتنقل الطالبة
لو المدرسةالثانية بعيدة جدًا اكتبي المسافة في الخطاب هذا سبب كافي غالبًا للتوزيع الأقرب

أهم شي لا تستسلمين المدارس أحيانًا تتهرب إذا ما ضغطتيهم رسمي
حلك الوحيد بعد الله تروحين ادارة التعليم التابعة لمنطقتك

الله يجزاك خير الحمدلله

الله ينور عليك الحمدلله المشكله باذن الله شبه انحلّت

الله يوفقها
ويسخر لكم 💛

لايضيق صدرك
عادي أول يوم يقولون زحمة وكذا
لكن بعدها بترتبون
ويقبلون
بس كل يوم روحي لهم

حبيبتي ربي يسهل امر بنتك ويفرحك فيها
لا يضيق خاطرك ودائما توكلي على الله