مقهوره منه معاي حق ازعل ولاعادي

السلام عليكم
بنات مدري معاي حق ازعل من هذا الادمي ولاعادي انا حساسه ومكبره المواضيع
اللي قاهرني انه يعاملني باسلوب غريب ماكني زوجته
وع كلامه وقت الرضا احبك ومدري ايش والله ماشوف الا الاستفزاز والقهر منه لاحب ولا خرابيط كله كلام
المهم
سالفتي ان زوجي يجيه اوقات مو طايقني ولا طايق اطفالنا وبس منفس علينا فتره وتروح عنه
والحين هذي اليومين نفس الشي وربي يانه رافع ضغطي
بدايه السالفه اني طلبته نقضي لبيتنا بعد الراتب وافق ورحنا قضينا بسرعه ومعصب فالسوبر ماركت ويخاصم العيال ويالله استعجلي وراي كذا وراي مدري ايش
لماطلعت السياره طلبته نمر نتعشى وهو كان واعدني لما طلعنا قال لا مو وقته
المهم رجعنا وراح برا يكلم بالجوال وشوي كذا دق قال رايح الاستراحه تبغين شي قلت وين مشاويرك المهمه تقول بسوي اشياء فالسياره وترجعنا بددري وفالنهايه تقول بروح الاستراحه جلسنا نتكلم فالجوال شوي ونتخاصم قال خلاص وسط الاسبوع اطلعك
انا رجال مضغوط من كل جهه بيصبني السكر والضغط للعلم هو بس يتشكى عندي ولما يطلعنا ماعندي فلوس والسياره مدري اش فيها والقسط الفلاني مادفعته
المهم طنشته بعد مناقشتنا هو ي بنات مايبغى يطلعنا واي مشوار عنده لا لا
يطلعنا بس نادرا
جيت البارح كلمته بنطلع المطعم اللي قلت عليه قال تعبان وتركته
واليوم من الظهر جاي يقول يالله تبغينا نروح المطعم نتغدى وبدون نفس يقولها
المهم رحنا وفالسياره مطنش ولا يتكلم وزعلان يقول راح وقت الغدا كان مشينا من ١ الظهر
واكلنا قال ان شاء الله اعجبك بس
رجعنا السياره رجع لحاله الصمت والتطنيش المهم اني احترت معه ومت من تصرفاته
بس حارمني والطلعه بالموت علي
وطلبته نمر محل ملابس اطفال قريب من المطعم قال لازم والله مافيني
يعني يقابل كل شي اطلبه بالرفض
كيف اتصرف معه
انه مايقولي لا فشي
ولايعصب علينا انا وعيالهه مع اني ي بنات مانرفزه ولا ارد عليه واتحاشاه
وانه يدلعني ودي اجرب الدلع هو مايدلع ولا يفكر اصلا
ولا اقدر اخذ منه شي بسهوله
وسامحوني هي فضفضه احسها مضايقتني مر