مقهوره من الوزارة ومن المشرفه ومن موقف زميلاتي

السلام عليكم
خواتي انا قاعده اكتب لكم وانا مقهووووووووووره ومولعه ::تدرون ليش من هالدوام ومن اللي قاعد يصيرلي بسببه انا معلمه ادوام في منطقه تبعد عن الرياض 150 كيلو لي الان 8سنوات على هالحال وطبعا ادوام يوميا من الرياض انا ومجموعه من زميلاتي في نقل على حسابنا وندفعله مبلغ وقدره وحتى اذا غبنا لازم ندفع الشهر كامل تخيلوا اننا نداوم ايام العوده من غير اي شغل بس نوقع ونمشي في السنوات اللي قبل كنا نتناوب في الدوام لكن هالسنه جاتنا مشرفه اداريه الله لايوفقها ولايبارك فيها ومنعت مديراتنا انهم يسمحون لنا بالتناوب
واللي قاهرني بعدموقف زميلاتي لانهم موهقيني معهم لانهم يغيبون في اي يوم يخطر على بالهم وانا اكل هوا واغيب بدون عذر لاني ببساطه ماعندي احد يجيب لي اجازات او اذا رحت مستوصف بطلعة الروح يعطوني يوم بس! وهم اللي زوجها يجيب لها اسبوع واللي اخوهايجيب لها 3 ايام واللي تعرف مستشفى يعطون اجازات واللي عارفة دكتور يعطيها اجازات بالهبل ولما اسألهم عن المستشفيات اللي تعطي اجازات مايقولون ويصير غيابي بدون عذر وينخصم علي حق الغياب وفوق كذا ادفع للسواق يعني على قولت المثل ..موت وخراب ديار..:
هم ماقاموا يغيبون كذا الا بسبب هذا الدوام اللي ماله داعي حسبي الله على ذي الوزارة اللي ماتراعي الله فينا
اللي قهرني زياده اني اليوم صحيت الفجر على اساس اني بداوم واتفأجأ ان زميلاتي كلهم غايبين يعني غصبا علي بغيب لاني مستحيل اروح مع السواق لحالي مسافة سفر
تكفون ياخواتي اللي تعرف مستشفى او دكتوره معينه تعطي اجازات في المستشفيات الخاصه بالرياض تقولي عليها على العام او الخاص طلبتكم لاتطنشووني