مقهوره من تصرفات ابو زوجي

السلام عليكم
من تزوجت وانا في مشكله مشكلتي في بنت عم زوجي
بنت عم زوجي توفى ابوها وهي صغيرة وابو زوجي اخذ امها
إعلان
ورباها عمها الي هو ابو زوجي
.
وابو زوجي يحاول فيه دائما انه ياخذها تخيلو ابو زوجي متكفل بمصاريف الزواج والمهر حتى الشقه قال اطلعلك احد المستأجرين وعطيك شقه مقابل انه يتزوجها . وزوجي رافض
هي عمرها وصل 34 ومأحد تقدملها الله يرزقها بس ماهو على خراب بيتي
.
كل يوم وهو يفك معاه السيره هذي حتى اليوم يقول لزوجي انت رخمه تخاف من فلانه يبغى يستفزه ويسويله زي التحدي عشان يتزوجها وزوجي رافض
.
انا متزوجه صارلي 11 سنه ومبسوطه واحب زوجي ويحبني والي بينا احترام متبادل ليش يحاولون يخربون حياتنا وليش النكاد الي يسويه وانا ماسويت له شي ولا اذيته . حتى زوجي إذا راح عند اهله اي طبخه ولا شي قال ابوه هذي سوتها فلانه يحاول يسحبه لها بأي طريقه.
وزوجي يقولي ابوي مكان راضي اني اتزوجك لأني انا من قبيله وهو من قبيله وكان اول يبغى زوجي ياخذ بنت عمه وهو رافض ،،
وطيلة ال 11 سنه وهو يلاحقه
.
انا وزوجي ناوين نروح نتمشى للجنوب وزوجي مخبي على ابوه لأن العام الماضي يوم جينا بنمشي قال ابوه كلنا ماشين معكم وراحو معانا وستأجرنا فله وبنت عمه رايحه جايه من قدامه وماخذنا راحتنا وابو زوجي مايخلي الحريم يقعدو لحالهم يخلي جلستنا وحده وهي جالسه معانا وحلا وقهوه وانا محروقه من تصرفات ابوه وكلمت زوجي قالي ايش تبغيني اسوي
.
المشكله في ابوه لو فقدنا وعرف انا راح نتمشى للجنوب على طول بيتصل ويجينا ماشي ..
.
. مو بس كذا حتى في طلعاتنا للبر او الحديقه ماندري الاهم محضرين إذا عرفو انا طالعين وصرنا مانعلم ومانرد على الجولات عشان ناخذ راحتنا
وقلتله نقفل جولاتنا إذا جينا نروح الجنوب قالي اخاف ابوي يزعل لو ماقلتله وكيد بيقول كلها من تحت راس حرمته هي الي ماتبينا نروح معهم ولاتحبنا نجتمع ...
.
.ونفسنا انا وزجي بتمشيه وخاف يخربون علينا
.
ام زوجي الله يسعدها دنيا وأخره مايجيني منها إلا كل خير المشكله في البنت وامها وابو زوجي