عيون_الإمارات @aayon_alamarat_7

محررة ماسية

مقهوره من خدامتي ليه اقدم لها الخير وهي تجازيني بالعكس

السلام عليكم

اشحالكم اخواتي؟؟

بقولكم سالفةخدامتي الي قاهرتني والله اني مقهوره وما اريد اصارخ عليها علشان ما تأذي بنتي

انا جبت خدامه فلبينيه مسلمه ومتزوجه وعندها بنت اكبر من بنتي بشهر ونص تقريبا وانا عمر بنتي توها 6 شهور

وجبتها مو من المكتب من عند جيرانه اختها الكبيره تشتغل بيت جيرانه تقريبا من 3 سنوات وهي حرمه كبيره

وانا قبل لا اجيب اختها قلت لها قولي لها ابيها تنتبه لبنتي وتشوفها مثل بنتها لاني انا موظفه ودوامي اسبوع صبح واسبوع مساء وربي ارزقني فيها الله يحفظها لي بعد 6 سنوات وعندي ظروف ما اقدر اخلي وظيفتي وهي الحين كملت عندي شهرين ونص

اتخيلوا يا بنات انها اول ما جات كانت اوكي بعدين بدأت تطلع الفضايح قلت لها اباج يوميا اتعقمين المراضع قالت اوكي جيتها بعد يومين اسألها ها عقمتيهم قالت ايوا صدقتها

بعد يومين جيت لقيت جهاز التعقيم والله يا بنات كله غبااااااااااااااااار ومن داخل يعني ما دخل فيه ماي اصلا وفتحت دلة بنتي حق الماي الحار اشم ريحتها خااااااااااااايسه والله ومراضع بنتي فديتها مره والله ريحه فضيييييييييييعه بغيت ازاوع قلت علشان كذا بنتي اترجع الحليب والله يا اخواتي اني لو شربتها حليب او ماي من المرضعه اترجعه والله اني غليت من القهر بس خفت انا في حااجه لها ومن بيمسك بنتي زوجي مسافر وانا اروح الدوام

ناديتها قلت لها ليه تكذبين شوفي الغبار داخل جهازالتعقيم قالت لا مدام انا سويت بس ما اعرف من وين اجه الرمل ودخل شوفوا الاستهبال والكذب عيني عينك وقلت لها المراضع والدله ليه ريحتهم وسخه ما تغسلينهم بيفيري قالت لا اغسلهم بتايد معه انه اقص ايدي انها اتغسلهم بماي بس بس هي ذكيه تبغه تلعب بعقلي وتميت اغسل مراضع بنتي وهي اتشوف اقولها يوميا كذا اباج اتغسلينهم وتعقيمنهم الصبح وانا والله اني مقهوره خاطري اصارخ عليها بس ماسكه نفسي

والتزمت على تنظيف المراضع والحمدلله وكاليوم اشيك من وراها

الطامه الكبرى

جيت من الدوام وابغه بنتي برضعها واجي وهي معطتني ظهرها وفاتحه حفاظه بنتي واونها بتغير لها طلعت الحفاظه القديمه وفيها بول وتجيب الكريم وتدهن فوق البول وتجيب الحفاظه الجديده وتحفظهااااااااااا جن جنوووني قلت لها شو هذا انتي تستهبلين فزت من مكانها كيف اتسوين كذا قالت لا يا مامانظيف وانا غسلت لها اصلا قلت لها تكذبين عيوني انا شفتج وانتي اطلعين القديمه وحطيتي فوق الوساخه كريم ولبستيها الجديده والله اني انقهررررررررررررررررررت قلت هذا وهي عندها بنت قلت لها ما تخافين ربج انا حطيت بنتي عندج امانه لا تقولين مدام ما شافت ربج يشوفج وانتي لازم تاخذين فلوسج بالحلال

واليوم جيت قلت لها تعالي غيري لها ولبسيها بجامه النوم غيرت لها في دقيقه انا استغربت وجابت اختي بنتي بسرعه قلت لها بسم الله مسرع ما غيرت لها اشوف الملابس غيرتها بس في انه في الموضوع امسك حفاظة بنتي وافتحها الحفاظه جديده اشم الريحه ياربييييييييييييييييييييييي ولعت بموووووت والله يا اخواتي ريحة البوووووووول ما غسلت لها بس بدلت الحفاظه مو قهر لين متى

ويوم ناديتها نزلت راسها واجت تتبسم وشلت بنتي اتغسل لها وبدلت لها

كذااابه وخاااااااااينه والله

والله يا اخواتي انا ما اريد اقول بس علشان تعرفون انه اكثر الخدم كذا مهما سويتي لهم ما يبين بعيونهم

اول شهر رسلنا لها فلوسها

ورسلنا لها راتب شهرين مقدم لانه بنتها تعبت ودخلت المستشفى خاص جاها ربو وطلبوا فلوس ورسلنا لها راتب مقدم لشهرين قلنا حرام مسكينه ضناها وراحت تتشرى من حرمه بياعه وما عندها فلوس ورحت دفعت لها ونجيب لها رصيد انا وزوجي علشان تتطمن على بنتها وعندها موبايل واشتريت لها ثياب لبنتها للعيد وهي اشتريت لها ملابس والخ والله انا مقهووووره شو اسوي وهي ما كملت عندي 3 شهور

على فكره هي اشتغلت في الامارات وفي السعوديه تقريبا 7 سنوات

موجديده يعني فاهمه بس قووووويه وكذوب ولي يقهرني ما تعتذر ابدا كأنها ما سوت شيء

عطوني على بسرعه

انا ناويه انادي اختها الكبيره الي تشتغل في بيت جيرانه واقولها علوم اختها علشان تأدبها وخايفه نفس الوقت انها اضر بنتي وانا في الدوام شو الحل يا اخواتي ساعدوني والله اني مقهووووره منها

يلزم عليك تسجيل الدخول أولًا لكتابة تعليق.

تسجيل دخول

التووت99 • 14 سنة

الله يعينك بس كلهم كذا الوسااااااااااااااااااااااااااااااااااااااخه اساسهم لو تاخذين اجازه لمدة سنه لما تكبر بنتك احسن والله يكفيك شرها

ذكرى المحبه • 14 سنة

اسلم حل لك ولها ركبي كا ميراااااااااات بالبيت و قولي لها علشان اتطمن كاني موجوده
وهي راح تخاف كل شي مسجل بالكاميرات
وحصني بنتك واستودعيها ربي وهو خير الحافظين

عيون_الإمارات • 14 سنة

ذكرى المحبه :

اسلم حل لك ولها ركبي كا ميراااااااااات بالبيت و قولي لها علشان اتطمن كاني موجوده وهي راح تخاف كل شي مسجل بالكاميرات وحصني بنتك واستودعيها ربي وهو خير الحافظين

اسلم حل لك ولها ركبي كا ميراااااااااات بالبيت و قولي لها علشان اتطمن كاني موجوده وهي راح تخاف...

جزاكم الله خير على الرد

انا بصراحه افكر اركب كاميرات علشان اريح بالي

أم عبادي وحسن • 14 سنة

اي وبعدين ؟؟

انتي ام ؟؟؟؟

اسمحيلي عصبت منج حدي اعتبريني اختك ولاتزعلي مني

بصراحه هذي بنتج عجزنا عجزنا نقول لاتخلون عيالكم عند الخدم وانتي معتمده عليها بكل شي يعني حتى لو انك موجوده بالبيت بعد تخلينها هي تبدل لها انتي شو شغلتج ؟؟؟

تتوقعين الخدامه تصير حنونه لبنتك احلمي ؟\\\

وش تنتظرين اختي يجي بنتك تسمم بسم الله عليها من الحليب الخايس والوسخ ؟؟؟ شو فايدة الندم عقب

اقلعي الشغاله ولو الششغل مش ضروري اتركيه واجلسي عند بنتك ربيها والله بيعوضج خير

او حطيها حضانه شوي اضمن

ماتسمعون عن بلاوي الخدم كل يوم وش فيكم ماتحسون ؟؟

ادري اسلوبي قاسي جدا بس والله من قهري يا اختي اطفالنا امانه عندنا فلا تزعلين مني ابغيكي تنتبهين لبنتك

غلا دبي • 14 سنة

يوم بيكون عندج دوام نزليها اهي والبنت بيت اهلج .... وخلي حد يراقبها ...
يعني لا تعتمدين عليها كليا

وتحملي على بنتج .... تراهن والله ماوراهن غير المصايب