مقهوره من زوجي

السلام عليكم خواتي
بففضفض قبل اختنق وطبعا ممنوع دخول النفسيات والملاقيف ابيكم تدعولي مقهوره وربي مقهوره صارت هوشه بيني وبين زوجي وتلفظت عليه قام عصب و قالي البسي عباتك وطسي اهلك مغير اصرف عليك ادويه ومراجعات)مريضه مرض نفسي ادعولي بالشفاء ( عاد انا هينا حسيت بالاهانه مو ذنبي انا ان كنت مريضه
 قلت لا مو رايحه قام
 بيمد يده علي جعلها الكسر يارب 
اناخفت ورحت لبست عبايتي مابي بنتي تشوفه يطقني ووتعقد زي المرات اللي فاتت ورماني عند اهلي بلا مصروف وانا لاموظفه ولاعندي حافز ولا حتى خذت لبس لي ولابنتي والقهر اكثر مفتاحي بيتي اختفى من شنطتي اكيد خذه خاف لاارجع واخذ اغراضي لي الحين اسبوع عند اهلي ارسلت له عطني مفتاحي او حتى مرني أخذ ملابسي احتاج ملابس ماكان ودي ارسل بس شسوي للضروره احكام قام قالي انطقي عند اهلك يلي فيك ويلي مافيك.....الخ وسب وشتم وفاتني موعدي اللي مفروض يكون اليوم لانه هو اللي بيوديني له هو متقصد يسوي هالحركه عشان اهلي يسالون ليش مخليك اسبوع وبالتالي ان درو ان الغلط مني بيهاوشوني ويربوني ع كلامه شايفني بيبي يربوني طبعا انا قلت لاهلي انه مسافرللعمل اسبوع هو طبعا سفراته بالعاده ماتزيد عن اسبوع   وهالاسبوع بيخلص ماجاء وارسله  ثاني مره مرنا محتاجه اغراض ولا راح اتلفظ عليك ثاني مره يقول لا انطقي وسب وشتم عاد انا هنا قلت بحظرك تبي تقول شي قله الحين ولا قال شي انا توي ماحظرته بس ناويه احضره
بالله مو شي يقهر لو جاء الاسبوع الثاني ومامرني امي بتدري اني متهاوشه معه امي معها ضغط وتشيل همي مره تخاف اطلق ياشين الذل والأهانه شيناها ادعولي بالشفاء لي6سنين مريضه اهم شي لاتنسوني من دعاكم وقولو لي وش اسوي