مساء الخير
حبيت افضفض واقول لكم سالفتي
اللي بقلبي لها اكثر من 5 شهور محتره ومو عارفه شلون اتصرف وابيكم تحطون انفسكم مكاني قبل ماتردون علي السالفه يا بنات انا وحده كان عندي صديقات كثير كثير كثيرر من كثرهم امي طفشت وقالت لي خففي منهم لانه التليفون تعب نفسيا مني وانا بعد تعبت من وحده الى وحده اكلمهم كلهم ماابي ازعل اي وحده فيهم لاني ماحب اطنش حد خصوصا لاصار اوكي معاي وغير كذا الي بيني وبينهم هل البنات التليفون وبس يعني مااطلع معهم نتمشى لا بس تليفون المهم مع الوقت انا بديت اشطب كل بين فتره وفتره على بنت خصوصا اللي اكتشف مع الايام انها بنت مش ولا بد خلاص على طول اشطب عليها اللحين من المجموعه ذي كلها باقي7 بنات اربعه من سنتين ماشفتهم بينا تليفون بس من وقت الى الثاني والاربعه هذول اتعرفت عليهم من مكان واحد والثلاثه الباقين اعرفهم لي اكثر من 5 سنوات بينا تليفون وطلعات مش كثيره بس تصير حسب ظروفهم المهم يا بنات وحده من هذول الثلاثه انا من عرفتها وهي متزوجه واحد يقرب لي من بعيد بعد كم شهر من زواجها دخلنا الكليه مع بعض وبنفس القسم وهي كانت حامل فاهل زوجها كانو يوصوني عليها انتبهي لها ومن هل الكلام طبعا كان زوجها يقولها ويوصيها انها تقول لي علشان انتبه لها (كنا مو رايحين ندرس رايحين نحارب)
والمهم ولا وحده فينا كملت الكليه طلعنا وصار بينا تليفونات واشوفها اذا راحت بيت اهل زوجها واحيانا ويمكن مرتين بيت اهلها المهم صدقتنا صارت قويه خصوصا انها ماعندها صديقات غيري هذا الكلام له اربعه سنين السنه هذي احس صداقتنا زادت اكثر من اول خصوصا انها كانت تطلب من زوجها انها تجي لبيتنا وكان يجبيها وحتى لا راحت بيت اهله كانت تروح نص يوم وباقي اليوم يجيبها عندي وكا نطلع سوا ونروح ونجي ولا احيانا نكون بالبيت مع خواتي هذره وسوالف واحيانا كان يجونا بنات وكانت تجي يعني صارت كنها وحده من خواتي يعني صارت تمون علينا كلنا على خواتي وامي جلسنا كم شهر واحنا مبسوطين لانه بالنسبه لها صارت تروح لصديقتها ببيتهم وانا لانه مو دايم صديقاتي يجون لي بالبيت يعني باقي صديقاتي الثنتين كان بالكثير مرتين بالسنه ولا مره فجاءه صارت مشاكل مع زوجها وحرمها انها ماتجي عندي ولا تكلمني حتى احنا فكرناها فتره وتعدي صحيح البنت كانت تكلمني من تليفون اهلها ولا اهله لا راحت لهم من وراه طبعا لانه كان يفتش جوالها ويسالها اذا دقيت عليها دقت وش تبي وش قالت وليش وبس هذا اللي قلتووه مكالمتكم كان 5 دقايق مايصير يكون بس هذي سالفتكم
وهكذا جات فتره وكان بيتطلقون لانه كان بيي يتزوج عليها وكان يدور عروس وهي البنت كان عادي عندها لانه ملت منه ومن تصرفاته غير بخله وهو يوم شافها مطنشته تراجع عن قراره بس قال لها بشرط انه ما تكلم صديقاتها ولا تشوفهااا ابدا ( اللي هي انا) ولا مراح يحصل طيب بيطلقها وياخذ عيالها ويحرمها منهم هي يوم جاء الامر الى حد العيال صارت تبكي لانه ماتبي تتركني ولا تبي تترك عيالها يوم شافها بهل الحاله هو انقهر وقال لها انتي ما بيكتي علي كثر ما بيكتي عليها اكيد انتو بينكم شي واكيد انتو ( سحاقيات) علشان كذا انت متعلقين ببعض هي اتخيلوو وش ردت عليه ضحكت وضحكت قام هو غير الموضوع بس بعد فتره رجع سائلها وقال لها اذا انتو كذا صحيح انا بطلقك وروحي اتزوجها ( تتزوجني انا)هي رجعت تضحك على كلامه يعني ما دافعت يا بنات ولا وضحت شي ولا قالت له ليه تقول عنها كذا ولا على الاقل ما دافعت عن نفسها
المهم هي بعد ماقالت لي السالفه انا مممممممت قهر بس ماتكلمت ولا قلت شي وهي ماخذه الموضوع ببساطه بس انا انقهرت لانه اشوف سمعتي تنداس واقرب صديقه لي مادافعت عني اجل مالومه يوم قال عني كذا مع انه هو يعرفني ويعرف اهلي لانه زي ما قلت لكم احنا قرايب من بعيد يعني عيب عليه هل الكلام اللي ما يقول الا واحد عايش مجتمع كل سحاقيات علشان كذاا شايف الناس زي المجتمع حقه بس لو معارف اهله واعرف انه متربين زين ولا كان قلت مالومه بس الوم راكبه من راسه الين رجوله مع ذالك يابنات انا والبنت ذي استمرت صداقاتنا وطلعتنا طبعا كله من ورا زوجهااا ( زوجها حاط بباله انه هي سمعت كلامه ومعاد تكلمني ولا تعرف اخباري على اساس انه فتره وبيسمح لها انا تكلمني وتزورني بل علن مو بالخش ) وفعلا كنا على الماسنجر في يوم وقالت لي انه واقف انه يخليها تكلمني لاجاء من الدوانيه يعني على 12 ليلا وجات الساعه 12 و1 و2 وما كلمت وجاء اليوم الثاني وتقابلنا بالنت وقالت اليوم بيخليني ونفس الشي ما دقت ولا خلها تدق وبعدها اليوم الثالث قالت لي اليوم اكيد بيخليني انا هنا وصلت حدي وقلت لها مراح يخليك انسي ولا تجلسين تزنين عليه خليه متى ما وافق وافق (احنا كذا ولا كذا نكلم بعض بالمسن وهو طبعا ما يدري) ( وكل يوم اربعاء كانت تكلمني من بيت اهلها ومن وراه) فجأه ومنغير مقدمات انقطعت اخبارهااا لا تدق ولا تدخل الماسنجر ووووووووولا حس ولا خير حتى اهل زوجها لا تقابلنا ما يجبون سيرتها عندي ولا يسالوني عنهااا زي اول وانا بعد ما سالتهم عنهااا ابد ولاجبت طاريهااا وبعد 3 شهور تقريبا توفت خالتي الله يرحمها وهي تدري انه خالتي مريضه وانها بعد شهرين من الغيبوبه توفت اهل زوجها جو عزوني وهي ماجات معهم مع انه من 5 سنوات مايوجون من غيرها ويوم يصير العزا ماتجي وبعدها ماخلص العزا باسبوع احصل راسله لي اميل تعزي فيه وتقول انها ماكانت تدري الا من التوبيك اللي انا كنت كاتبته وانا متاكده انها تكذب علي لانه مستحيل يكون ماوصلها خبر انا بعد سكتت وما قلت لها ولا كلمه قلت بشوف اخرتهاااا معها طبعا يابنات لاكلمت ولا شي كل اللي سوته ترسل لي خرابيط بالاميل نكت ومن هل الشغلات وحده من البنات ارسلت لهاا اميل تسال عن اخبارهاا وردت عليهااا مع انها مع ذا البنت صداقتها مو زي ما انا وهي المهم سكرت لى الموضوع وخلاص انتهى بالنسبه لي ماابي اعرف وش سالفتها حتى
بس صار شي ثاني انا تعقدت صرت مو طايقه صديقاتي ال2 اللي باقي ادري كل وحده فيهم يعدين بتركض ورا زوجها ومو ساله فيني وفعلا هذا اللي صارر وحده منهم ماشوفها الا على الماسنجر وتقول انا بكلمك على الماسنجر ارخص من التليفووون يعني حتى صوتي ماتبي تسمعه وصرت خلاص معاد ابي اتصل عليها بس هي لا راحت بيت اهلها تدق من الثابت ومو كثير يمكن مره بس والثانيه كنت معها اوكي وكل شي تمام لانها جايه هلايام اللي فاتو عند اهلها بس من اسبوع جاء زوجها ونستني تماما ومره اتصلت عليها بعد اسبوع من جاء زوجها كلمتني دقيقه وقالت لي بليل بتصل عليك واتصلت بعد اسبوع كامل انا كلمتها وانا مقهور منها واقولها وش دعوه اسبوع تقول نسيتك اصلا وتضحك وبعدين قالت مافيها شي وتضيع الموضوع انا اخذت التلفون واعطيته لاختي وقلت لها قولي لها اني مالي خلق اتكلم اللحين ويوم وصلت لها اختي الكلام قالت طيب شلون اراضيها قالت لها اختي اتصرفي معها وسكرت واللين اللحين مارجعت اتصلت حتى الان قلت ربع اللي بخاطري وخلصت تم بحمد الله
نجديه بالشرقيه @ngdyh_balshrkyh
محررة برونزية
يلزم عليك تسجيل الدخول أولًا لكتابة تعليق.
والله كانك تتكلمين عن وحده من صديقاتي كنت انا وياه شي واحد وخذيها قاعده الصديقه اذا تزوجة الصديقه انسيها الامن رحم ربي
اهم شي الواحد يفضفض
ويريح قلبه :)
الصديقات كلهم كذا
شوفي لاتتصلين سوي نفس الي يسوونه فيك
اذااتصلتي مره لاعاد تتصلين الا اذا اتصلو
وبخلاص
والله يعين ...
ويريح قلبه :)
الصديقات كلهم كذا
شوفي لاتتصلين سوي نفس الي يسوونه فيك
اذااتصلتي مره لاعاد تتصلين الا اذا اتصلو
وبخلاص
والله يعين ...
طبيعي الصديقات اللي قبل الزواج راح تتغير علاقتهم وينشغلون بعيالهم
نصيحه
صادقي امك الله يخليها لكم وصادقي اخواتك
احنا في زمن يخوف والله
نصيحه
صادقي امك الله يخليها لكم وصادقي اخواتك
احنا في زمن يخوف والله
يا بنات انا نسيت اكتب انها ماتدخل على النت الا اذا زوجها طلع لانه ما يبيها تدخل الانترنت كلش بس هو يدخل ويخربط عادي بس هي لا علشان كذا يوم جاء الامر بالقطيعه حولنا على الماسنجر وهي على اللي خابرتها انها مش مهمله بيتها علشان اقول مل منها
بالعكس هو متسبب وطلع فجاءه بسالفه انه يبي يتزوج وجلس يدور بس محد عطاه وجهه وهي يوم درت انه بيتزوج تغيرت عليه
اللي كان يزعلها ويسمعها كلمتين وهي تروح تبكي شوي وترجع تراضيه مع انه هو الغلطان بعد ماتغيرت عليه معاد اعطته وجهه حتى لو هي الي مزعلته قسم بالله كانت تقول لي انها كانت تبوس رجوله وبعد ماتغيرت شكلها تغيرت عليه من قلب صحيح تذكرت كان يقول اني انا اللي مسوسه لها انه تتغير
بالعكس هو متسبب وطلع فجاءه بسالفه انه يبي يتزوج وجلس يدور بس محد عطاه وجهه وهي يوم درت انه بيتزوج تغيرت عليه
اللي كان يزعلها ويسمعها كلمتين وهي تروح تبكي شوي وترجع تراضيه مع انه هو الغلطان بعد ماتغيرت عليه معاد اعطته وجهه حتى لو هي الي مزعلته قسم بالله كانت تقول لي انها كانت تبوس رجوله وبعد ماتغيرت شكلها تغيرت عليه من قلب صحيح تذكرت كان يقول اني انا اللي مسوسه لها انه تتغير
الصفحة الأخيرة
ترى المتزوجه غير البنت زوجها مايتحمل اهمالها لبيته وجلستها طول الوقت على الماسنجر ... يعني صديقاتك طبيعيات ماعدى الأولى ...
الأولى فيها شي مو طبيعي .. يا اما كانت تبغى منك مصلحه معينه وانتهت زي مثلا تعرف أخبار أحد عن طريقك ...
يا اما كانت تبغى تبعد شبهه معينه عن نفسها قدام زوجها وتبغى تحطها فيك ...
يا اما يا اما يا اما المهم انه عندها شي غير طبيعي وشافتك على نياتك وتبغى تنفذ خطه معينه ...
صدقيني ياقلبي مجتمع الحريم يخوف ... لا تأمنين أي أحد ...
وصدقيني زوجها ماشك فيها الا لأنها في موضع شك ...
انسيها ياقلبي ولا تحاولين تحتكين فيها أبدا ...
أما صديقاتك الأخريات طبيعيات جدا يعني لا تزعلين منهم ..