هدي الامور ياواخيتي ولا تنشبين لة والله يسرلك امورك حاسة فيك والله ومااملك لك الا الدعاء ان الله يسخرة لك ولعيالك وماتشوفين الضيم يارب

انصحك بالصمت والتطنيش و حاولي تنشغلين بنفسك مثلا اذا جا للبيت امسكي كتاب أقرئي قيه وكأنك ماشفتيه
او العبي مع أطفالك لا تهتمين لوجودة عطية حريته بالبيت وخذي انتي حريتك الرجل اذا حس انه فقد اهتمامك
راح يحاول انه يرجع هذا الاهتمام بإذن الله يصير يهتم فيك ( وجهة نظر والحياة تجارب )
لكل رجل مفتاح انتي تجربين لين تلقين المفتاح المناسب
الله يسخرلك زوجك ولا يفرق بينكم وانصحك اختي بالدعااااء  

جزاكم الله كل خير
كل الاخوات اللي ردوا
وفعلا احيانا تكون الحلول امام عيوننا ولكن نحتاج لتنبيه وتذكير من اللي حولنا
وفعلا نبهتوني لاشياء كثير يعطيكم العافيه
دعواتي لكم بالتوفيق ادعوا لي

اختي والله واقولها لك وانا احلف الحب موب هو الاساس بالزواج واهم شي التفاهم والاحترام بين بعضكم وهذا تقدرين تسوينه لاكن الحب هذا من الله بس لاتتوقعين معه سعاده ماورى الحب ا لى الشقى لانتس بس تفكرين تسعدينه انتي اللحين وهو مايهتم وحتى لو يحبك فيه رجاجيل كذا يموت فيك ويعشقكك بس ماعنده ماعند جدي من الرومانسيه او الكلام الحلو ويمكن يحبك ويخونك بعد واشياء كثيره ماتسرك مع الحب فاهم شي الاحترام بينكم ومعه يجي كل شي يريح النفس وانتي باسلوبك هذا بينفر منك انتي لاتدورين الحب خلي الحب هو اللي يجيك زوبردي قلبتس وعيشي حياتس لاصار ماقصر معتس ولا شي في البيت انا عارفه انتس تبين الرومانسيه وانا معتس بها الشي بس وش تقولين والله لو تسالين البنات المتزوجات نادر اللي زوجها روزمنسي وهذا شي من الله وبعدين رجاجيلنا مايعرفون الرومانسيه خخخخخخخخخ واذا عرفها مايبينها يعتبرها عيب في حقه مادري وش يحسون بس ريحي وتراه يحبتس ولو مايحبتس كان قد طلقتس وجاب الف وحده غيرتس بس انتي غيري في حياتكم مع بعض في الشكل بالاسلوب وغيري عشان انتي عشان نفتس انتي موب عشان احد وهو بينتبه ولا تنطلين نفستس عليه قومي بكل واجباته باحسن وجه ولاتدورينه خليه هو اللي يدورتس الرجاجيل مثل الضل تلاحقينهم ينحاشون تنحاشين يلاحقونتس

وانتي شوفي وش اللي ناقصه او انتي وش مقصره معه فيه فكري اقعدي من نفستس شوي لاتقولين كل شي اسويه له ايه كل شي تسوينه له بس لاكن جربي تسوين لنفستس انتي لااهتمي بنفستس بيهتم فيتس لاتلاحقينه مدري كيف اشرح اتمنى فهمتي اللي اقصده اختي

والله يسخره لتس ويهديه ويبعد عنه بنات الحرام واصحاب السوء

ولاتقولين مل مني ولا تقولين مليت الدنيا حلوه بس حنا نفوسنا صارت ماتتحمل اي شي

الصبر خليه دايم هو السلاح

الله يشرح صدرك بالايمان

الزوج يكره من زوجته السؤال وينك ليه تاخرت من كان معك

تجنبيها

ولا تخلي حرتك منه باولادك صدقين راح تندمي على الشئ ملهم ذنب انتي افتقدت الحب والحنان عوضيهم

ولا ترجي من زوجك كلمه احبك ما راح تسمعيها طالما انتي اللي تطلبيها

باسلوبك راح تفقديه

لاتنسي اذكارك
كرري الاستغفار
وقول سبحان الله وبحده
الصلاة على النبي لكل منها 100مره

وقول اللهم استودعك نفسي وزوجي وذريتي وما نملك من لا تضيع ودائعه

الحمد لله لم تشهدي عليه بشئ باخلاقه

احمدي الله دائما