مقهوره ومالي غيركم

السلام عليكم
ترددت كتير قبل ما اكتب مشكلتي لانو بصراحه تعب قلبي على قد ما عدت وحكيت فيها اكتر من الف مره مع حالي ومع اهلي ومع القاضي ومع المحامين والله تعبت انا شو الله كان جابرني اعمل ..كل ذنبي اني حبيت اعمل عيله..اتزوج متلي متل هالبنات اجيب اولاد افرح فيهم..رضيت باللي كتبلي ياه ربي تحملت زوجي على علاتو على كزبو على طلباته على عاداته على كل ويشهد الله اني حبيتو وحاولت اني اكون زوجه صالحه وهو حكالي اني كنت زوجه كويسه بالاخر يطلقني لاسباب مجهوله ..قا لشو لتدخل الاهل ..بالله عليكم هاد سبب.تخيلو هاد هو السبب اللي كاتبه بورقة الطلاق....ولسه اصلا ما طلقني لانو ناوي يطلع عيوني عشان ما يعطيني المتاخر وهي انا هلئ وكلت محاميه عشان تخلصني من هالقصه..هي جزاتي .؟؟ هي جزاة حبي الو ؟ هي جزاة تنازلي الو وتجاهلي لاخطائه...هي جزاة الاخلاص....
هيك هما الرجال ولا هو بس اللي هيك ؟ انا تعبت عنجد خلص ما عدت قادرة اتحمل نظرات العالم والناس لالي وكانهم بيحكولي "ابصر ليش طلقك" تخيلو انو طلقني بس بعد خمسين يوم انا شو ذنبي الناس شو بدها تحكي عني
والله انا بنت عالم وناس والكل حتى هو بيحكو عن احسن الكلام..تخيلو زوج يطلق زوجته ويبعتلها ايميل يحكيلها انتي زوجه رائعه بمستوى عالي ..بس مشكلتك اهلك...
والله الظلم رح يطلع من عيوني ..تعبت..ومش عارفه شو اعمل ؟ الشكوى لله بس...ومالي غيركم بعد الله اشكيلو

ادعولي الله يعوضني بزوج صالح ..يحميني ويعرف قيمتي ..
وشكرا الكم