هلا والله ببنيات حواء وش اخباركم؟
المهم
من زمااااان وانا ودي اكتب هالشي اللي مضايقن وفاقع سبدي:mad:
ابدى لكم بالسالفه انا عندي بنت عمره خمس سنين الله يصلحه طبعا هي بكري والكل يحبه لانه فرفوشه المهم وحده من اقارب رجلي عنده ولد عمره 9 سنوات صف ثالث منهبل على بنتي بشكل ماتتخيلونه لدرجة ان امه تقول اذا رحت لسوق يقول اشتريها معنا ملابس ودايم يرسل لها هدايا للحين الوضع عاادي
وفي يوم من الايام اتفاجى انه يقول اني احبها وهي حبيبتي وانا اللي بتزوجها ومن هالخرابيط مااخفيكم انا بديت اخاف على بنتي وصرت اكره الولد يعني اطفال بعمرهم المفروض مايفكرون بكذا حتى ان باقي البزارين صارو يقولون ان حمودي بيتزوج نوني انا عارفه انه كلام وخرابيط بس ماابي بنتي تحط هالشي في بالها يعني هي الحين صغيره بكرى اذا كبرت شوي مادري وش بيصير وش تفكر فيه
واصلا انا اكره اذا جتس وحده تقول بنتزوج فلانه لفلان وهم توهم بزارين
انت ماتدرون وين النصيب بعدين تفتحون عيونهم على اشياء هم غافلين عنه وتخلونهم يفكرون باشياء فوق اعمارهم
وانا شخصيا عانيت وانا صغيره من هالسالفه :icon33:
الزبده من موضوعي ابيكم تقولون لي وش لون اتصرف مع هالبزر؟؟؟؟
ابي تعطوني حلول لان كل مره نروح لبيت اهلنا يطلع لي بسالفه اخر مره رحنا مشغل اغنيه بالاي بود وجالس جنب بنتي ويغني مع الاغنيه ويناظر بنتي يعني كنها حركات كبار:angry2: والله اني مقهووووره بشكل ماتتخيلونه
اخت التميميه @akht_altmymyh
محررة برونزية
يلزم عليك تسجيل الدخول أولًا لكتابة تعليق.
الشتاء3
•
الله المستعان
طيب وين أهلة مايقولوا لولدهم ويفهموه انه عيب ومايصير يقول كذا الخطأ من الاهل ساكتين
وانت لاتسكتين خاصميه وقولي له عيب ولا عاد اسمع هذا الكلام
طيب وين أهلة مايقولوا لولدهم ويفهموه انه عيب ومايصير يقول كذا الخطأ من الاهل ساكتين
وانت لاتسكتين خاصميه وقولي له عيب ولا عاد اسمع هذا الكلام
ياحليله يحب الولد خخخخخخ
الله يعينك انتبهي لبنتك وخليها دايم معاك
واذا تكلم انتي اخذيه على جنب لوحده وفهميه ان هـ الكلام عييييب
فديتهم تخيلت شكلهم خخخخخ
الله يعينك انتبهي لبنتك وخليها دايم معاك
واذا تكلم انتي اخذيه على جنب لوحده وفهميه ان هـ الكلام عييييب
فديتهم تخيلت شكلهم خخخخخ
المشكله اهله متخيلين انها طفوله وبرائه لانهم هم مرات يقولون تعال شف زوجتك ومن هالخرابيط ابي طريقه ابين لهم ان هالشي يضايقني
والله هذاشي من حقك تخافين منه
ليش ماتكلمين اهله يتفاهموامعاه بعدين سنه كبيرواكبرمن بنتك
ليش ماتكلمين اهله يتفاهموامعاه بعدين سنه كبيرواكبرمن بنتك
الصفحة الأخيرة
وشكله قريب لكم مرة
مالك الا تخلين بنتك تحت عيونك ولا تبعد عنك
وحاولي تفهمينه عيب هالحركات هذي حركات مو زينة