مقهووووورة مرررررررررررة عندي عزيمة

يعني ايه العلوك وضحي اكتر؟

هلا حبيبتي اسم الله عليج وليش الانتحار الله يكافينا الشر

شوفي بعد العشاء حطي لهم صحون صغار توزع على الطاولات او طبق دائري كبير ينحط على الطاوله اللي في الوسط
ونوعي فيه حطي مكسرات ،،، حلويات الهنديه المشكله تكون صغار وفيه مشكل هندي الي ياكلونه بعد الأكل ويحتوي على سكر نبات وحلوه " نفس اليانسون بس اخضر " شوكلاته ،،، بون بون ،،،
حب ،، عنجكك ،، حبة خضرا

شاي أخضر ،،، شاي اعشاب مرميه وزعتر ،،، شاي الزعفران ،،،

هذي اللي في بالي حاليا ان شاء الله اذا تذكرت ارد لج

وباقي البنات يفيدونك

شوفي فكرتي الأولى ..

افرشي الطاولة الخاصة بالعلوك بقماش شالكي ودخلي معاه الخيش ..
جيبي مهفات صغيرة ومباخر صغيرة ووزعيها على الطالة ..
جيبي سلات صغيرة ( حقت الأولين) وجيبي مطبقيات حديد وعبيها علوك ولبان وحلويات ..
وسله ثاني للعطورات والمخلطات ودهن العود .. والمناديل المعطرة اللي بريحة دهن العود ..

بالمختصر المفيد .. خلي شكل الطاولة وكأنه ركن تراثي .. واذا انتي بالرياض روحي لسوق الديرة واشتري الأغراض من هناك ..

هالفكرة شفته بعزيمة وعجبتني مررررة ..

حبي كان ودي اساعدج بس انا حدي دجه في هالسوالف ولا اعرف شاسوي
اذا بييني احد امي تتصرف تدري فيني لو علي باقعدهم من غير اكل
بس ماقصرت الغنادير مثل ماقالت ..

اهالحين تأكدت اني في عالم حواء
من ردودكم الحلوة :arb:
فديتكم :26:

لأخت marwa atya
يعني الاشياء الي تحط بعد العشاء (علك- لبان حبة حلاو بولو)
انشاء الله وضحت :)

الأخت الغنادير
الأخت توفي(يارب تحقق مناك وتنحفين على صحة وعافية وسعادة وسرور)
مشكورات خبايبي
وافكاركم حلوة وايد

البارح وانا افكر خطرت لي فكرة ركن تراثي مثل ماقلتي ياتوفي
قلت احط اللبان وملحقاته في غضاير او مطابق
واحط زيادة الكحل القديم والديرم
فكرة المهاف حلوة مرة
بس وين القا مهاف صغيرة لأن الكبيرة أحس شكلها ماهو حلو

فكرة الشاي اعجبتني مرة هل ممكن احطها بدل المناديل ؟؟لأن المناديل الرطبة مهيب مناسبة مع الركن التراثي ؟؟

سؤال صغير وش تقصدين بسوق الديرة ؟؟

الماسة السوداء مشكورة ياقلبي
وكم اسعار القماش الشالكي تقريبا ؟؟
وكيف ادخل الشالكي مع الخيش
وضحي اكثر في اقرب وقت عشان ابدا ادورها في السوق