مقهووووووووره

السلام عليكم
كيفكم بنات
بدخل ع طول بمشكلتي
اول شيئ بقولكم على وضعي انا ساكنه في عمارة اهل زوجي وشقتي قدام شقتهم المهم اليوم اتصل علي زوجي الساعة 12 ونص وقالي احسبي حساب ابوي ( ابو زوجي ) معانا في الغداء علماً ان ابوه نادراً مايطلب اطبخ له وحتى لو طبخت مايجي بيتي ياكل يخلي زوجي يجيب له الاكل ببيته المهم قلتله انا بدأت اطبخ وماسويت إلا على قدنا قال خلاص اجل لا طبختي ابأخذ نص الغداء واعطيه ابوي والباقي لكي انتي وبنتك وانا بأجيب لي جاهز قلت اوووكي.... المهم وهو في الطريق جاي اتصل عليه ابوه وقال له جيب لامك واخواتك غداء جاهز قال طيب واتصل علي قال لي جهزي غداء ابوي ابوديه له اول مااجي قمت جهزته ويوم جاء الا يقولي تغدي انتي وبنتك انا بروح اتغدى مع اهلي قلتله مايصير كذا انا اطبخ وانفخ طول اليوم وانت تجي تشيل الاكل من عندي وتروح تاكل مع اهلك وتتركني قال لي ابوي قال لي جيب غداك وتعال معنا قلت له اذن لا عاد تجيني تقولي اطبخي لفلان وعلان طالما بتاكل مع اهلك وتتركني اتغدى لحالي المهم وانا في المطبخ احط الغداء لابوه جلس يتكلم علي ويقول مايثمر فيكي معروف وانتي بلوه وانتي ماتستحين وانا جلست ارد عليه وقالت له انت ماعندك احساس ووجهك وقفاك واحد المهم قال لي غداكي خليه عندك اشبعي فيه وترك غداء ابوه وطلع معصب
وراح تغدى مع اهله ورجع نام ومدري اش قال لابوه يوم راح لهم وانا بصراحه مقهووووره منه ومن طولة لسانه ومن ابوه حسبي الله علي
ه علماً انه كل يوم جمعه يتغدى مع اهله ويتركني اتغدى لوحدي
يابنات انتم فهمتوني غلط انا ماعندي مشكله اطبخ لعمي واحياناً اسوي حلا ومعجنات وارسلهم بس اللي قهرني انه طنشني وراح ياكل معاهم طيب والادمية اللي واقفه تطبخ وتنفخ وتجهز اقلها يجلس معي وياكل وابوه مهو لوحده بالبيت عند زوجته وبنته وولده ياكل معهم يعني مالها داعي الحركه انه يقول خلها تطبخ وانت جيب غداك معانا يعني لو قال خل زوجتك تجي كمان ان كان عادي فهمتو هذا اللي زعلني واللي تقول ان كان رحتي معاه... اهل زوجي مايحبون احد يجيهم بدون موعد حتى لو شقتي قدامهم لازم اكلمهم قبلها واقول اني جايه ...
واللي تقول اكييييد ابو زوجك زعل خلييييه يزعل ويبطل يطلب ويريحني من وجع الراس وحرقة الدم اللي شفتها اليوم
بنات ترى ابو زوجي مهو وجه تقدير لان قبل شهر كان زواج اختي وابوي ارسل معي كروت الدعوة حقت الرجال واعطيتها لهم ولا حضروا الزواج كلهم حتى زوجي ابوه قال له لاتحضر والسبب طبعا تافه جدا قال ايش قال مانروح لرجال يعزم على زواج بنته ... وانحرجت من اهلي وهم يسـألونني عنهم حتى ابوي شك فيني يقولي اكيييد وصلتي لهم الكروت لان ابوي يوجبهم في كل مناسباتهم واستغرب انهم ماحضروا ..