أنا أعرف بنت عندها سيارة ،، وحابة تشتغل مندوبة ،، وهي تسير من بوظبي لين الفجيره ودبا ..!!

بعرض عليها الشغله وبرد عليكم خبر

شورايكم؟؟

حلوه الفكره وانا اعاني بعد من هاشئ وانا من الفجيره عندي سياره بس ما اقدر اطلع غير المنطقه الشرقيه بس يعني الفجيره كلباء الخور دبا وبالنسبه لشارجه اقدر اذا كان طلبات محرزه يعني اقدر خلي حد ياخذ الطلبات من الشارجه وانا اوزعها بالمنطقه الشرقيه

اخواتي العزيزات انا اقترح عليكم انكم تشوفون لكم شركات شحن بري غير الشركات العالمية في الغالب انها ارخص

مثلاً عندنا في السعودية يوجد شركات عالمية كبيره وغالية مثل الي عندكم DHL وارمكس وFedEx و UPS وغيرها وهذي مثل ماقلتم غاليه مره.

لكن هناك شركات محلية تشحن لأغلب مدن السعودية بـ 5 ريال إلى 15 ريال للكرتون الكبير، لكن عيب بعضها انها ما توصل للبيت لكنها توصلها لمكاتبها المدن أما بعضها الآخر فعندها خدمة التوصيل للمنزل حسب الطلب برسم بسيط وبعضها بدون رسم حتى.

الخلاصة: ابحثوا عن هالشركات، وهي عادة ما تسمى بشركات النقل والترحيل واحياناً تسمى بشركات الشحن والتوصيل.


اتمنى اني افدتكم

تحياتي، ام نينا

عزيزتي ام نينا ممكن تفيديني عن هالمكاتب انا بالرياض ولو حبيت ارسل شي سواء داخل الرياض او خارجها او حتى خارج السعوديه كيف ؟ هل يمكن استخدم شركات النقل هذي لأن صراحه الاسعار اللي قلتيها جدا حلوه

ممكن ترسلين لي ارقام المكاتب الخاصه بالشحن والنقل وتشرحين لي طريقتهم وكيف التوصيل الله يعافيك

فكره حلوه ..الحمدلله عندي توصيل لدبي والعين وابوظبي والشارقه
وساعات عجمان..والدفع يكون يوم تسليم البضاعه ,.,,يعني سلم واستلم

بس الفجيره وراس الخيمه وام القوين ..هالمناطق مشكلتهن مشكله ويايه لحد الان ما حصلت توصيل غير الارامكس
وان شاء الله ان الله يسهل,,,