كيف الحلوات اليوم ......اللي جالسه ببيتها هي و عيالها الله يعينكم و اللي طالعين ما شاء الله تبارك الله
و الله يزيدكم وناسه...اليوم زوجي لاهي عني أنا و العيال بالمحل تبعه
و اختكم الله يعينها جالسه و مستسلمه وبزارينها 
و أنا جالسه بأمان الله اللي يدق التليفون الثابت و يطلع لي رقم دولي و أقول في نفسي يمكن شغالتي الأوله
و الا شغالة اختي تبي شي علشان هي قعدت قبل سفرها عندي اسبوع و كل يوم زوجها يكلمها الله لا يسامحها على اللي سوته فيني وهي طالعه .....رديت
قالت وحده شاميه عفوا أنا أبغى مكتب عمل و حسيتها متخربطه و قلت انتي غلطانه قالت طيب هذا مكتب والا بيت قلت بيت قالت عندي استبيان و لازم اكلم شاب يكون عمره بين 13 و 17 سنه 
قلت طيب ما ينفع بنت نفس العمر قالت لا قلت للأسف ما عندي لكن ينفع رجال أكبر من ذا العمر 
قالت ايه قلت للأسف مو مسموح عندي رجال و الا شباب يكلمونك 
و الله لحظتها قالت يلا يلا مع السلامه و سكرتطبعا ما لقت عندي فريستها الغبيه ما درت أني شديده لكن أختكم ارتفع عندها الضغط
قمت اتصلت على 905 و سألت الموظف عن الرقم من وين قال فرنسا من باريس ( سبحان الله ما كفاهم شباب باريس اللي مثل البيض لاحقينا على المماليح اللي عندنا و لا يهون تاج راسي
)قلت طيب هم يسحبون الخطوط و الا بس لعابين قال هم لعابين و لا تردين على هالأرفام ثاني
سبحان الله ما كفاهم اللي يسافرون عندهم و لاحقين شبابنا على الدعسه
يا بنات انتبهوا من الأرقام الدوليه تراها ما تجيب الا البلا
و اتمنى اني ما طولت عليكم في موضوعي و اللي حصلها مثل كذا يا ليت تكتب و نستفيد
الــــــــــــــــى اللقـــــــــــاء