رغدهـ

رغدهـ @rghdh_3

محررة ذهبية

مكالمتها لي غريبه قالت :حياتك كانت ولاشي ونقلبت ١٨٠ درجة

الأسرة والمجتمع

السلام عليكم ورحمة الله وبركاته
استغربت مكالمة اخت زوجي لي امس
طبعا كتبت امس موضوع
انه اخواتي ودي اروح استراحة بسيارتي وهي بعيده شوي
رغم عندي رخصه بس متخوفه لانها تبعد تقريبا٥٠ دقيقه عن بيتي رغم انها تعتبر مو في مقطعه بحي سكني بالرياض بس بعيد اسمه حي العارض كنت احسبه الملقى طلعلي في قوقل مان العارض ماعلينا
استشرت زوجي شاف بالخريطه قال طريقها سهل رغم بعدها بس تمسكين طريق ابو بكر وسييييده توكلي على الله وروحي
..
دقيت على اخت زوجي قلت بمشي وراكم هي عندها سواق
تفاجئت دخلت في موضوع العين وقالت انتبهي تروحين بسيارتك عند حريم اخواني وخصت وحده الله يستر عليها مالي علاقه فيها وقالت انتي عرضه للعين الظاهر اني افنان الباتل وانا مدري ولا هيونه
لا ورمت ذا السالفه قالت انتي حياتك كانت ولاشي
في شقه وراتب زوجك ٧ الالف يالله تكفيكم اخر الشهر
ووضعك كان مزري ال شغاله وبيت ملك وابوك عطاكي سيارة سواق اهلك بعد ماسافر سواقكم وقالك بيعيها واشتريلك بفلوسها سياره
طبعًا أهلي استغنو عن السواق لان كلهم يسوقون
ماعلينا
ودائما اذا بطلع في سيارتي تتعمد تنكد علي انتبهي اطفالك امانه لاتسوين حادث تندمين
ولا العين انا خايفه عليك تعطيك الناس عين يحسبون زوجك مدلعك مايدرون انها سيارتك سواقكم بعتيها وشريتي هذي بفلوسها
انتبهي العين ومو ناقصين مجاكر تعالي في أوبر
غريبه وضعها هل هو خوف وش تبي توصله بالضبط مافهمت ليش اسوي كذا معاي وتحاول تخوفني ليش محسسنني اني محور الكون وان الناس تحسدني وتطالعني
ابي افهم وش تبي توصله بالضبط هل هو خوف علي ولا تنكيد ولا وشو بالضبط
عجزت افهملها ليش تشككني في الناس وتخوفني تخيلو دقت علي تقولي لازم أوعيك انتي ماجربتي العين انا جربتها واللي ماجرب العين لايتفلسف ، طبعا اخواتي آنا ماطقيت خبر الحكيها ولن يصيبنا الا ماكتب الله لنا لكن استغرب هي ليش متحمسه معاي وتنصح وتجيها حاله هستيريه عجيبه اذا شمت ريحة انه بطلع مشوار بسيارتي
رغم انه كل اللي حولها من بنات خالاتها وصديقاتها وحتى فيه من حريم خوانها غيري يسوقون وش معنى انا ضاغطتها بعطيكم سالفة ثانيه طبعا في عيد الفطر اتعيد عند خوالي يبعدون عن الرياض مسافة٣٠٠ المهم انا حاجزه طيران ومزبطه اموري
أتفاجأ اخت زوجي تدق وتخش بالموضوع بشكل مرعب اسمعي يارغده انا نااااااصحة انتبهي انتبهي يلعب بليس براسك ويخليك تسوقين عند خوالك انتبهي تمسكين خط وتسافرين بالسياره انا والله خايفه عليك ،، تخيلو انا حاجزه طيران ومخلصه وهي الضعيفه تهوجس فيني وفي سيارتي بفهم هي فعلًا خايفه ولا تنكيد مرات اقول تنكيد واستقعاد ومرات اقول مسكينه ممكن تخاف
تذكرت موقف لها قبل كم سنه ،،كانت يوميا تطلع مع بنت عمتها يتسوقون عشان بنت عمتها تجهز الزواجها
المهم البنت ارتاحتلها وقامت تحكيها عن زوجها وامورهم وكل شي واخت زوجي تنصحها المهم في يوم اخت زوجي دقت على بنت عمتها هههههههه كل ما اتذكر ذا الحكايه اضحك
المهم قالت اسمعي يافلانه انتي زواجك قريب لكن انا شفت فيك منام وفسرته انه امورك مع زوجك بتتعرقل وبتتطلقين وانا بتزوج قبلك ،، البنت انجنت وتهاوشت مع اخت زوجي وسوتلها بلوك واليومكم مافيه علاقة دائما
عشان كذا اذا تذكرت السالفه هذي اربطها بالغيره مو خوف لكن كيف اتحاشاها ومااخليها تتفاول كذا ابلشتني بعمري ووسوست فيني حسبي الله على بليسها
20
2K

يلزم عليك تسجيل الدخول أولًا لكتابة تعليق.

تسجيل دخول

Umm moha
Umm moha
خذيها بحسن نية يمكن من جد خايفه عليك
دام م يضرك كلامها خذيها من باب النصيحه اذا عجبك خذي نصيحتها واذا لا خلاص
عنود فهد
عنود فهد
كيف زوجك مدلعك وانت كل اشوي طالعة مرة عند اهلك مرة عند اهله مرة عند صديقاتك 
وعلى ايش بينظلونك؟ شغالتك دوم تهج منكم
زوجك يفضل يسافر مع ربعه 
حماتك تنزعج من جيتك وجية عيالك المزعجين
يعني وسوسة دون سبب
بعدين انا اشوف روحتك اصلا بكبرها ما لها داعي 
&روعة الحياة&
&روعة الحياة&
مسكينة الله يعينها ع نفسها 
خلتك محور الكون من جد 
نور
نور
ايه غيره  

بتموت من الغييييره 

طنشيها وحصني نفسك بالاذكار والرقيه 

 من بيركز فيك اساسا 

الكل الكل يسوق الحين شيء مو مستغرب

اهم تحصني ولا تنسي اذكارك للي تسوق او حتى الي ماتسوق

عيشي حياتك طبيعي

توكلي على الله دايما

لان التوكل على الله هو الاصل   
قمر 43
قمر 43
تصدقين انا من نوع هذا الي احبه اخاف عليه ونصحه. ولقيت نيات اناس شينه مره احنا بشر ونخطي يعني اكيد مره بتنصح الوحده وتكون نصيحه غلط عشان كذا غيرة من طريقة تعاملي مع ناس الي يبغى نصيحه اكيد بستشير بلاش تلقف مع ناس وكلن. يفسر نصيحتك له على مزاجه انتي خلي تفسير نوايا الي يضيعنا في زمن هذا وحسني نيتك عليها كلامها اذا ماعجبك منتي مجبوره عليه وذا ولا بيني لها انك متوكله على الله ونها تخوفك وتسبب في توتر لك