مكالمه تهديد وصلتني

السلام عليكم ورحمه الله وبركاته

في البدايه شوفوا هالرابط

http://forum.hawaaworld.com/showthread.php?p=55668936#post55668936

هذي قصتي باختصار

استخرت واستشرت وقررت الرجعه له على شان العيال لان اختي قالت لي ان بنتي كل يوم لا صلت ترفع يدها وتدعي ويوم سالتها اختي وش تدعين قالت ان بابا يرجع لماما كسرت خاطري


طبعا اتصل ابوي عليه وقاله تعال نبي نتفاهم جاء وقال له ابوي حنا موافقين بس مشترطين بيت لحالها قال طيب

بس قال لابوي لا تعلمون احد الى ما اخلص الشقه ونحدد موعد العقد لاني توني ما قلت لاحد ولا حتى زوجتي الثانيه

طبعا هو جاء وقت عشانا فقال ابوي قربوا عشاء له ولا هو جاء متعشي جلس بعد العشاء شوي وراح

العيال ماشافوه يوم جاء هالمره لانه جاء ايام مدرسه وكانوا نايمين من بدري مافي الا الصغير كان صاحي

المره الاولى الي جاء فيها ييبي يرجع رسمي شافوه كل عياله لانه جاء يوم خميس بس ماطول قال الي عنده وقال له ابوي خلنا نفكر وراح

المشكله صارت هنا

كل اربعاء يجي ياخذ عياله بعد العشاء يمشيهم ثلاث ساعات ويرجعهم

اول طلاقنا كان يجي ياخذهم بروحه بس في الشهر الاخير كانت تجي معه وكانت بنتي تتضايق وتقول ما اقدر اسولف مع بابا وهي موجوده

المهم جاء واخذهم يوم الاربعاء الا بنتي قالت له بابا ليش يوم جيت عند خوالي يوم كنا صاحيين ماطولت جلست شوي ورحت ويوم كنا نايمين طولت وتعشيت المره الثانيه طول

طبعا اخوي كان يتريق معها وعلمها جالس يقول لها ابوكي الدب جاء وتعشى واكل كل الصحن

المهم جاء ابوها ويقول لها طيب طيب

اليوم العصر دق تلفون البيت وترد امي الا وحده تقول لها عطيني فلانه انا صديقتها

يوم رديت الا وحده تقول لي اسمعي ان رجعتي له والله لا تلومين نفسك لا اعيشك في جحيم والله لا احرق قلبك على عيالك انتي وحده مطلقه قذره انا الي يعكر مزاجي اعكر حياته

انا ماعرفت وش ارد سكرت السماعه وجلست ابكي صراحه خفت واتفاجات

امي يوم عرفت قالت ماترجعين له يمكن تسوي فيك شي

حنا مانعرفهم ولا نعرف طباعهم ولا اي شي

ابوي اتصل عليه وقال له ليش زوجتك تتصل علينا وتقول هالكلام قال له تفاجأت يوم درت من بنتنا وحكى لابوي وش صار في السياره

واعتذر لابوي وقال بخليها تتصل تعتذر لكم بس ابوي قال له مانبيها تعتذر ومالنا اي علاقه بزوجتك ومالها اي دخل في بنتي انا رجعتها لك على شان ما اتحمل ذنب عيالك في رقبتي

المهم بنات طولت عليكم بس مدري وش اسوي دخلني الخوف صراحه وترددت في الرجعه

وش تنصحوني فيه