مكايدة ضرة ادخلو وشورو

بقولكم سالفة وابي شوركم
وحده متزوجة زوجة ثانية عمرها28 والزوجة الاولى 38
زوجها يوم تزوجها توه شاري فلة هو بنفسة وقسم الفله دورين دور للاولى تحت والثانية فوق
والدور وسيع 5 غرف وصالة ومطبخ يوم تزوجته الثانية وداها شهر عسل بتركيا وزوجته الاولى زعلانه ببيت اهلها وطلبت الطلاق وقالها انتي بكيفك ان جيتي بيتك الله يحييك وان رحتي بيت اهلك على راحتك
وهي بشهر العسل دقت الاولى وقالت تعال مالك حق انت موعدني تعدل اذا تزوجت ابي حقي من القسمة ترجع لك اسبوع معها مالك حق تزيد اكثر بدون ماتجيني ومارجع كملة شهر العسل 11 يوم ورجع بعدها
والزوجة الثانية عاشت احسن ايام حياتها دلع 6 شهور وكان دايم زوجها يسب الاول يقول قليلة ادم وتحرش عيالي علي تقولهم ابوكم ترككم والله لو ماعندي عيال منها طلقتها ماتوقعتها كذا دايم يتزاعل هو وياها ويجلس عند زوجته الثانية اسبوع ويرجع يوم عندها ويوم عند زوجته الاولى
لاكن بعد 6 شهور تغيرت الاولى مهديته جوال واذا جاء يجي ريحته عطر زوجته الثانية الي هي صديقتي تساله وش العطر هاذا ريحته حلوه يقول فلانه الي هي زوجته الاولى تعطر الثوب قبل ماطلع تغيرت للافضل واخلاقها وحتى عيالي ماعاد تحرشهم علي يقول غيربه بين يوم وليلة تغيرت 180% للافضل هداها الله ومهديته جرب عليه صورة خيل واسمه للجوال كل ماطلع جواله تشوفه صديقتي وتموت قهر وساكته وصابره
ومره جا البيت على رقبة الثوب روج ورفضة تغسله وقالت رجعه لها هي تغسله وزعل منها وقالتله جرب جوالك مابي اسوفة ولاتعطرك قبل تجي قالها اتركي الغيرة المرظيه ذي انتي متزوجني وتعرفين اني متزوج
وفعلا الجراب حق الجوال نزله عن جواله لاكن العطر دايم يجي نفس العطر معطرت ثوبة ويوم صدم بسيارته تخيلو شرت لها سيارة على حسابها هدية قيمتها 200 الف بشرط ماتركبها صديقتي الزوجة الثانية وسار وقت العروس والمناسبات حتى بيومها يروح مع زوجته الاولى علشان يكشخ بسيارة والزوجة الثانية تروح مع السواق بفان قديم حتى بيومها وقبل كانت تروح معه بيومها ويترك السيارة ببيت الاولى ويروح لثانية بسيارته القديمة الي صدم فيها وصلحها
ودايم يردد عند صديقتي الزوجة الثانية ان فلانة تغيرت للافضل امس تفاجات بذكرى زواجنا عازمتني بنفس الفندق الي تزوجنا فيه قبل قبل 20 سنة اخر مرة احتفلنا بذكر الزوج قبل 17 سنة
فلانة صابغة شعرها فلانة شرت عدسات ليه ماتلبسين مثلها عدسات الخ.. واخر شي جاها يقول روحي لهلك 15 يوم مبطيه عنهم انا بسافر انا وفلانة الزوجة الاولى لتركيا عازمتني هي على حسابها علشان ذكرى زواجنا بسافر انا وياها قالت اذا رجعت اجل من حقي توديني قال اذا على حسابك ابشري غيره مالك حق واتركي الغيرية واذا وديتك على حسابي لازم اوديها السفر والخساير مالي قدره فيها كل سفرة تاكل 25 الف
راحت الزوجة الثانية لبيت اهلها وتفاجات وهي راجعه ان زوجها يقول بعت الفلة واستاجرت لك شقة وبتسكنين بشقة ماثثة لين ناثث شقتنا ويوم وصلت طلعت الشقة الي مستاجرها بعماره قديمة وضيقة غرفتين وصالة ومطبخ راكب قديم
وحاط ملابسها باكياس زبالة يقولها هاذي ملابسك خذي الي تبين وبكره نشتري غرفة نوم وترتبينها فيها
قالتله وزوجتك الاولى وين وديتها ؟ قال بالفلة ماطلعت قالت باي حق تطلعني وانا شارطة عليك العدل ليه تطلعني من بيتي وتفضيه لها قال البيت بيتها هي شرته مني ودفعت نص قيمته دفعت 500 الف
وانا ماظلمتك هي شرت الفلة تبين فلة لك اشتريلك وحده وماراح اردك
هي موظفة على كلامة وقبل مايتزوج كانت ترفض انها تساعده بقيمة الفلة تقوله انت عندك خير اعرفك مانت عاجز تشتريها بنفسك
وشرا الفلة وتزوج عليها وسكن فوقها زوجته الثانية واليوم ادفعت النص علشان تطلعها من الفلة
البنت تفكر تطلب الطلاق بس حامل هي منه وهي تحبه هو محترم معها بس مقهورة من حركات زوجته الاولى ومكايدتها لها وكل يوم حركة اخس من الثانية وكل ماطلبت شي مثل تطلع بشاليه وطلعها راحت الاولى وطلبت نفس الشي وبعدها ماعاد يتكلف بالطلعات والتمشيات وتطلع معه شالية وتقوله صديقتي طلعني مثلها امس انت طالع معها يقول هي الي دفعت انا ماظلمتك لو انا الي طلعتها طلعتك لو اطلعك فلانة تبي مثلك على حسابي ماني ناقص خساير
وهو يعدل يعني يعطي الاولى شي يعطي الثانية مثله وش رايكم وش اقولها تقول سار فكره معها حتى بيومي تتصل عليه وتسولف وخذ ولدك بيكلمك بنتك تبي تكلمك وترسل عيالها لشقتي ولدك بيكلمك عن مدرسته ولدك تعبان وده المستشفى سبحان الله مايتعب الى بيوم صديقتي اول 6 شهور يسب فيها وهي تسب فيه حتى وهي طالعه مره سمعتها تقوله الله يحرق قلبك وياخذ روحك انت وياها والحين فجاءة تغيرت
يقول فلانة تغيرت نحفت سوت ليزر شكلها افضل من قبل بشرتها انعم انتي ليه ماتهتمين بنفسك وسار يقارن بينهم وتخيلو مرسلتله باقة ورد بيوم صديقتي لشقتها وهو يقول والله مادريت انها مرسلته وبقولها معاد ترسل شي لشقتك لاتزعلين تراني مادريت والله وانتي تراك متغيره سايره نفسية بس زعلانة ومكشرة قالت انت تغيرت معاد تطلعني ولا تمشيني وتهاوشت مع زوجها وهو يقول انتي قلق
انا باليني الله بهل حريم تصلح وحده تخرب الثانية
هل تتطلق منه وهي حامل بس تخاف تندم وش الحل كيف تتعامل مع الضرة وتادبها اعرف ناس واجد وماعمري عرفت وحده اخس من ذي فيه مليون وحدة متزوج عليها زوجها بس مثل ذي ماعمري عرفت احد
وصديقتي موظفة ممرضة وراتبها عالي وتقدر تطلع لها فلة اقصاد وتقدر ترد عليها
بس تقول هو رجال المفروض يسفرني على حسابة ويسكني فلة على حسابة ويشتري لنفسه سيارة بدل ماتشتريله زوجته القوامة عليه هو
تقول ماودي اعوده اني ادفع وش رايكم هي تشوف الموضوع ترا والطلاق ماتبيه بس تبي توقف ضرتها عند حدها
هل ترد عليها بالمثل يعني تشتري سياره لزوجها وتقول لاتركبها زوجتك الاولى ونفس حركاتها تردها لها ؟؟؟
لاحد يجيب الطلاق هي ماتبي تخسره وهو محترم معها وخلاق ومتزوجه من سنة الحين و3 شهور اخر 9 شهور من يوم تغيرت زوجته الاولى للافضل على كلامه انقلبت حياتها نكد
لو انتي مثلها وش بتسويين ؟؟؟