هذا البرنامج مره حلو تقدري تتواصلي فيه مع البلاك بيري

والايفون و اجهزة نوكيا الجديده ولازم يكونوا محملين البرنامج

اذا حملتيه قولي لي عشان اضيفك 

حملت البي مسنجر بس مرررررررررررررررره فاضي
ومشاركاتي مابعد وصلت 50 عشان الخاص
اول ماوصلها اضيفك

الله يجزاكم خير كيف اسوي بحث في الجلبريك

بنات الموضوع استفسارات ولا برامج والعاب عشان نعرف نشارك

اوكي خل افيدكم باللي عندي زي ما استفدت منكم
سوري انا شابكه عالاي فون ما اقدر انزل الصور
البرنامج الأول/ MoreMonon
هذا حق صور يطلع لك بس اللون الاحمر بالصوره والباقي ابيض واسود حلو ورومانس
البرنامج الثاني/ Photofunia
تحطين اي صوره وتجتارين مكانها يعني تكون على بنايه في كتاب في معرض على كوب اند سو اون
البرنامج الثالث/ Diptic
يقسم لك الاطار اكثر من صوره ))) حاولوا تفهمون علي خخخخ
البرنامج الرابع/ PhotoMgrPro
مره نايس يقسم البوم الصور عندك لملفات وتحطين لها عنوان زي العائله الأزياء الرحلات وهيك شي
البرنامج الخامس/AgingBooth
تحطين صورة الشخص اللي تبين ويطلع شكله وهو شايب خخخهه يضحك ويحزن ويخوف
البرنامج السادس/iDots
تذكرون لما كنا صغار يوم نكتب نقاط ونوصلهل واللي يسوي مربع يكتب حرفه .... الخ هذي هي اللعبه
البرنامج السابع/صحيفة سبق
البرنامج الثامن/ فتاوى المرأة
استفدت منه الصراحه
البرنامج التاسع/ Google Earth
افرفر في ارض الله الواسعه حتى اني ناديت شغالتي وحبه حبه طلعت بيتها بغت تنهبل مسكينه تقول هذا جوال ولا وشهو وكم فلوس ماما الله يستر عليها سافرت وبقيت وحيده )) كني طلعت عن الموضوع!! اعزروني
البرنامج العاشر/Tie a Scarf
يعلمك كيف تربطين الشال او الايشارب او الكارفيته بأشكال مختلفه برنامج ظريف
خلاص تعبت اليوم اذا قدرت كملت بعدين
اي قبل انسى انا مسويه جلبريك عشان كذا ما اعرف كم سعر البرنامج سوري
بس ابصدق الصدق اللي ماعندها جلبريك ماعندها اي فون