مكرنه لذيذه

السلام عليكم
جبتلكم طريقة مكرونه لذيذه وسهله وان شاء الله راح تعجبكم
نبدء على بركة لله..
اول شي اخذي بصله قطعيها صغار حطيه بالقدر مع شوي زيت وابدي بتحمير البصل واضيفي له الثوم
لما تشوفي البصل والثوم طلع لونه بوني فاتح اضيفي له حبتين طماط مقطع مربعات ,,وفلفل رومي مقطع مربعات صغار ,,وجزره مبشوره
اضيفي البهارات اللي موجوده عندك ,,ونص مكعب ماجي ,,ملح
اتركيه شوي بعدين اضيفي له نص كاس ماء اتركيه يتسبك وتطلع المويه موثقيله ولا خفيفه يعني متوسطه
قطي كزبره وحطيها عليه غطي القدر عشان ياخذ ريحت الكزبره لمدة 5دقايق
بعدين حطي المكرونه المسلوقه واتركيها 10 دقايق على نار هاديه
حطيها في صينيه
اخلطي علبة قشطه و3 ملاعق كبار جبن سايل و2 ملعقه مايونيز
حطيه فوق المكرونه اللي في الصينيه وفوقه جبنة الموزوريلا
دخليها بالفرن من تحت 10 دقايق بعدين طفيه واشعلي النار من فوق لين يتحمر
وبالهناء والعافيه