السلام عليكم ورحمة الله وبركاته
بصراحه اليوم انزنقت الظهر وانا قايمة متأخرة :time: وزيادة على كذا ماعندي مقادير تساعد
عاد انا شغلت مخي وفتحت كل دواليب المطبخ وطلعت مقادير بس بصراحة ماتوقعت
ان النتائج بتصير كذا جداً رائعة والطبق بصراحة طعم رائع وشكل جنان ومغري مرره
المهم شكلي طولت بقرقي عليكم:cook:
نبدأ المقادير :
مكرونه ملونه المستخدمه للسلطات اللي شكلها لولبي.
جبنة موزريلا .
بطاطس وجزر مقطع مربعات.
بصل وثوم وفلفل اخضر بارد مقطع صغار.
ماجي - شوية ملح - شوية فلفل اسود - وشوية بهارات.
نجي للطريقة :
نسلق المكرونة مع الماجي بس لا تسلقونها الين تدوخ وتموع.
نجيب قدر ثاني ونضع الآتي >>>>>>> اموت يا الآتي :
نحط شوية زيت ثم الثوم ونخليه شوي على النار ثم نحط الفلفل الأخضر
ونخليه شوي على النار ثم نحط البصل ونقلب ونقلب ونقلب :mad:<<<<<اخلصي
ثم نحط البطاطس والجزر ونقلب .
نجيب بياله ونحط فيها مويه حاااااااااااااااارة ونحط في البياله حبة ماجي ونذوبها بعدين
نصبها على السابق ( البصل - البطاطس .............الخ )
ثم نحط الفلفل الأسود والبهارات ونغطي القدر ونخليه يطبخ شوي على نار هاااااديه
وكل شوي نقلب عشان ما يحترق .
بعد ما تنضج الخضار نضع المكرونه عليها بس بدون الماء ونقلب.
بعدها بنحط الخليط في صينية بايركس ونحط فوقها جبنة الموزريلا ثم ندخلها الفرن
بس تحت ثم بالصحة والعافية .
ملاحظات للفائدة :
1- لا تكتفين اختي العزيزة بالماجي بل قد تحتاجين إلا الملح بالإضافة للماجي.
2-لتحصلي على افضل حمسه وتعطي لأكلك نكهه مميزة وطعم رائع ابدأي الحمسة بهذا الترتيب
الزيت >>> الثوم >>>>>الفلفل الأخضر.
3-تقدرين في هذا الطبق استبدال المكرونه الملونه بأي نوع من المكرونه.
4-تقدرين كذلك اضافة اي نوع من الخضار مو لازم تلتزمين باللي انا حطيته.
اتمنى اني قدمت شي يفيدكم اخواتي واسمحولي ما حطيت صور لأني كنت مستعجله ابي اخلص غداي
تعبني الشوق @taabny_alshok_1
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
*&(( تعبني الشوق ))&*
تسلم أيدينك ،، ويعطيك العافيه ،،
جاري التطبيق ،،
ويسعدني أكون أول وحده ترد عليك ،،
أختك ،،
عـــــهــــــود