مكرونة القواقع المحشيه بخلطة الدجاج اللذيذه

سلامو عليكم يا بنات..
انا اول مره اشارك بس دااااااااااااااايم اقرا مواضيعكم الرائعه..وانشالله تعجبكم مشاركتي ..بس والله لاتفوتكم تراها مرررره لذيذه..
اول شي تجيبين مكرونه القواقع الكبيره مرررره وتسلقين تقريبا 12 حبه في مويه وزيت ..
ثاني شي تسلقين الدجاجه وتنتفينها تنتيف:42:يعني شرايح طويله..يعني نص دجاجه موب كامله ..لان الحشوه فيها اشياء غير الدجاج...وعشان ما يصير زحمه...
ثالث شي تقطعين البصل والفلفل البارد شرايح طويله .. وتحمسينه على النار لين يذبل هو والفلفل بعدين تضيفين له الدجاج وتبهرينه وتملحينه بعدين تضيفين عليهم علبة مشروم مقطع
شرايح وتضيفين قشطة الخفق المقاس الصغير(واذا حسيتي انها ماتكفي حطي المقاس الوسط بس مو كلها) على الخلطه وتحركين كويس بعدين تحطين حبة ماجي عليهم وتحركيييييييييين لين تحسينه ثقل شوي او بدا يقول بق بق ...
بعدين خلاص تشيلينه من النار وتحطين علي الخلطه علبة ذره صغيره وتحركينهم مع بعض..
الحين عاااااد انواع السناعه في طريقة الحشوه...
تاخذين المكرونه اللي سلقتيها وهي ناشفه طبعا من المويه وتحشينها من خلطة الدجاج وتصفينها في صينيه مستطيله(زي حقة اللازانيا) وتخلين فتحة المكرونه على جنب ... وتكملين حبات المكرونه وحده وحده لييييييييييين تخلصين ...بيبقى عندك حشوه ..تحطينها على الصينيه كلها من فوق يعني تغطين فيها القواقع .....
بعدين تجيبين الصوص حق البيتزا ذاك الاحمر مدري والله وش اسمه وتحطينه على الحشوه من فوق ..يعني تقريبا 4 ملاعق منه ..واخر شي تغطين الصينيه بجبنة الموزريلا وتكثرين منهاااا ..لانه كل ماصار اكثر صار اطعم... وتدخلينها الفرن وتولعين على النار اللي فوق بس لحد ما تتحمر الجبنه شوي ....وخلصنا.. الحمدلله على السلامه
ياطول موضوعي طولاه...:32: بس انشالله يعجبكم ...بنات واللي تتعيجز تسويه انا اسويه وارسله على بيتهم.. وبالعافيه.