مكرونة بالباشميل تاكلي اصابعك وراها

السلام عليكم

انا احب المكرونة بالبشاميل ودائما اسويها واخر مرة سويتها قلت بغير فيها شوي والله يابنات صارت تجنن وبقي منها شوي وديتها معي لاهلي وانهبلوا عليها ماشاء الله
الطريقةبإختصار
نسلق المكرونة كالعادة في زيت ومكعب ماجي اذاكانت العلبة كاملة وشوي ماجي ابيض وملح وتكثرين المويه شوي لاننا بنستعملها في الباشميل
والحشوة تحمسين بصل وثوم بعدين تضيفين فلفل اخضر مقطع قطع صغيرة واذا كان فيه احمر بيعطيك طعم احلى وبعدين الجزر المبشور وتتركينه ينحمس الين تحسينهم ذبلوا وبعدين اللحم المفروم والملح والبهارات والماجي الابيض والصلصة واذا استوت تحطين البقدونس وتطفين النار
الباشميل تحطين سمن او زبدة وبعدين دقيق ابيض وتحركينه وبعدين مويه المكرونة وحليب بودرة وشوي فلفل اسود وبيضة وتحركينه بالخفاقة الى ان توصلين للقوام المرغوب وانا احطها وسط
في الصينية نضع نصف المكرونة بعد خلطها بنصف الباشميل بعدين الحشوة بعدين باقي المكرونة وفوقها الباشميل وتخفقين بيضة وتمسحين بها فوق المكرونة وتدخلينها الفرن
والله يابنات بتجننكم الريحة اذا شميتوها عاد وشلون اذا ذقتوها
وبالعافية على قلوبكم مقدما