مكرونة بالتونة .. اسرع و اشهى مكرونة عندي

السلام عليكم



ايام الاغتراب .. تعلمت هالطبخة من زميلة بالسكن .. و صارت طبختي المفضلة .. احبها موووت :09:
و دايم اسويها لو صرت ماني عارفة وش اصلح للعشاء .. اليوم سويتها لزوجي و كالعادة اعجبته
اتمنى تعجبكم ..
احلى مافيها ان مقاديرها قليلة .. و سهلة مرررة . .


.. المقادير ..

تونة
طماطم ..
بصل
ثوم
ماجي
مكرونة
بهارات


و لتغطية المكرونة كالعادة .. ابيض في ابيض ..
جبن .. قشطة .. مايونيز عند الرغبة ..


اول شي .. نقطع البصل مكعبات و يفضل يكون كثير لانه بينكمش و بيقل ..
و يتكشن .. و اذا ذبل .. نحط فوقه الطماطم المكعبات و نحركه و نحط الغطاء ..
و بعد فترة نحط التونة بعد افراغ الماء منها .. و ماجي .. و بهاراتك اللي تحبين ..
و حركي و اقفلي الغطاء عشان ماينشف ... بالنسبة لي احب الحشوة تصير طرية ..



في هالوقت .. نسلق المكرونة باي شكل .. و يفضل حلقات او حلزوني .. مع شوي زيت و ملح ..
و اذا نضج .. نحطه في زبدية و نحط عليه القشطة و الجبن و نحرك ..

تكون الحشوة جاهزة .. نحط نص المكرونة بصينة بايركس .. و الحشوة .. ثم النص الباقي من المكرونة



و ندخله الفرن يتحمر شوي ..







و يتقدم مع سلطة خضراء ... يمي يمي ..



اتمنى تكونوا تحبوا التونة .. و تحبوا مكرونتي :)