مكرونة كانتون. من تعرفها

ياعمري اسلقي مكرونة وملح وزيت وحطيها على جنب ..

قظعي فلفل بارد وملفوف ابيض وجزر وكوسا وشوحيهم في زيت وبصل وحطي عليهم صويا صوص الحلوة وماجي ونتفة بهارات وبث

واخلطيهم بالمكرونة وعوافي مقدما

حبيبتي ظني مكرونتهم هم يسوونها مو من الجاهزة ،،

انا اسويها واحب اللي اسويها اكثر من المحل 
اول شي اسلقي مكرونه اسباغتي بمويا باردة من الثلاجة عشان ماتتلصق ببعض مع ملح وفلفل 
بعدين افرمي بصلة شرايح وشوحيها بمقلاة مع6 ملاعق زيت سمسم وسر النكهه بزيت السمسم 
وبعدين اضيفي الروبيان او صدور الدجاج مع الملح والفلفل والبهارات واو ممكن ماجي بس انا مااحب الماجي
وبعدها اضيفي كوسا وملفوف وجزر و فلفل رومي 
لو حسيتها بتلصق اضيفي المويا شويه شويه مو دفعه وحدة عشان ماتلين الخضار مره 
واخر شي اضيفي الصوص الكمية اللي تحبين بس لا يطبخ يصير طعمه مر يادوبك قلبتين على النار والافضل تسويها بقدر تيفال او مقلاة لها غطاء عشان البخار يرجع عليها وماتحتاجي مويا كثير 
وصفي المكرونة من المويا وقلبيهم سوا 

ماقصرت البريز ورحيل كفوا ووفوا
بالنسبه لي معرفها واستفدت منهم جزاهم الله خير

الله يسعدك اذا انتي تشوفينهم وهم يصلحونها بتعرفين ان سر النكهه بالصوص الاسود الي يحطونه ومره قلت لزوجي يسال الي يسويها بالاول رفض بعدين وراني الصوص صار اسمه ريح المحار يحطه ع اللحم والدجاج والسمك والنودلز وبس ورحت وشريته ولاهو غالي وصرت اعتمده ع طول بالاكل الصيني لانه يغنيك عن البهارات والصويا والخرابيط الكثيره جربيه وبتعرفين سر الطعم وادعيلي وقتها لانها بتعجبك وبترتاحين اما المكرونه عادي اسلقيها وشوحي خضارك تشويح سريع علشان يبقى مقرمش وانتي تاكلين وحطي المكرونه عليهم وصبي الصوص الي قلتلك وانتي والكميه الي تبينها وميزته لو زدتيه مايصير مالح مو زي الصويا وتلذذي باحلا نودلز وارفعي ايديك وادعيلي بالتوفيق عزيزتي..