كيفكم حبيباتي ....
هذي اول مشاركه لي في قسم الطبخ بحكم اني مشتركه جديده احم احم ...
اليوم جايبتلكم طبخه من مطبخي وهي اكله جدا لذيذه وصحيه ... قلبتي دكتوره ههههههه
الأكله هي اكلة مكرونه بالخضار لمحبي المكرونه لاكنها هالمره غير راح تكون في قدر الضغط ...
ويم يممممممممممي على الطعم جناااان وتخلص بسررررعه ... يعني اذا مافي وقت عندك وجوعانه سويها ...
يالله نشوف قصة حياتها بالصور من مطبخي ...
المـكونـــــــــــــــــات :
قدر ضغط... هذا قدري الحبيب لااحد يضحك عليه تروه حساس وخجول صورته وهو مستحي ... ههههههه
< بصل + ثوم +طماطم + فلفل رومي +فلفل حار + جزر > ... مقطعه مربعات وسط انا هنا قطعتها مربعات إلا الجزر احبه دائري مثل ماهو احسن واجمل ...
وبالنسبه للمقادير حسب رغبتك انتي اوعدد افراد العيله انا مقاديري قليله لأنه مافي الا انا وزوجي وبنوتتي الصغنونه ...
يعني مافي مقادير محدده للطبخه براحتك انتي ...
+ دجاج مقطع مربعات صغيره مع العضم عشان يعطيه طعم اللذ ...
+ للـيمون اسـود
+ زيت اي نوع + معجون طماطم + معزز النكهات <اختياري> + ملح
+ بهارات < فلفل اسود - كمون - كاري - مشكله - كركم اكل - شوية قرفه > + ماء مغلي للطبخ...
مكرونه... اي نوع...
الطـريــــــــــــقه :
نحط الزيت والبصل على النار ونحركها لحد مايتحمر البصل شوي ...
ثم نضيف عليها الثوم والفلفل الرومي وانا هنا ماحطيت الثوم مع البصل من البدايه عشان الثوم مايحترق ..
ونخليها لين يتحمر الثوم شوي ويذبل الفلفل الرومي وااااه على الريحه ياسلام سلم ...ههههه :p
يتــــــــــــــــــــــــبع لاأحد يرد الله يسعدكم ...
بعدها اضفت الدجاج المغسل والمقطع الجاهز عندي ...
واقلقله شوي لين ياخذ النكهه ويتحمر شوي ...
اضيف البهارات كامله ونقلبها شوي عشان الدجاج والخضار يمتصون النكهه ...
اضيف الجزر المقطع واقلبه قليلا >>>> قلبنا حصة عربي>>>>>>>>>>> ههههه
نحط الليمون الأسود والفلفل الحار ...
واخيرا معجون الطماطم والطماطم المقطع والملح واحركها واخليها تتسبك شويه على نار متوسطه ...
بعدها نضيف الماء المغلي والمكرونها عليها ...
ونقفل عليها ونخليها تقريبا ربع ساعه بس اذا انتي مقاديرك اكثر زودي الوقت احسن ...
الماء يابنات لازم يكون كثير شوي عشان المكرونه ماتلصق لاتنسون ...
وهنا بعد ماقفلته وعلى نار هاديه ومن وقت للثاني اهز القدر ولساته للحين مستحي وانا اصوره ههههههههههههه
وهنا الشكل النهائي بعد الأنتهاء منها ...
اقصد بعد الأنتهاء من من حكاية اليوم وتوته ياتوه خلصت الحدوته >>>> وش رايكم في حكايتي حلوه ...هههههههه
ان شاء الله تعجبكم جربوها مره حلوه ومكوناتها في كل بيت ...
والله الله بالردود الي تفرح وتجمس الواحد ...
واوعدكم اني راح ازعجكم بخشتي في هذا القسم بحكم اني احب الطبخ موووووووووووت ...