كيفكم ؟؟
هذا اول موضوع لي :icon28:
وحبيت اهنيكم على هالمنتدى الروعه والعضوات الاروع :)
هذي مكرونه البيتزا مره مره مره طعمها روعه وسهله
المقادير :
مكرونه اي شكل بس انا احب اسويها بالمكرونه الطويله
علبة قشطه
جبن كاسات وانا استعمل جبنة بوك
مايونيز
علبة معجون طماطم
2 طماطم
2 فلفل بارد ممكن تحطي لونين منه اخضر واصفر مثلا
بهارات
زيت
ملح
شوية بصل مقطع
لحم مفروم او دجاج مفروم حسب الرغبه ممكن تكون بالخضار بس
جبن مبشور موزاريلا او جبن كرفت تبشرينه
وممكن تزيدين انواع خضار لو تبين مثل جزر مبشور او غيره حسب رغبتك
الطريقة :
تضعين قدر على النار في مويه حتى تغلي ثم تكسرين المكررونه وتضعيها بالقدر مع شوية زيت وملح وتتركيها حتى تستوي باختصار ( اسلقي المكرونه )
بعدين تاخذين قدر ثاني تحطين في زيت وبصل حتى يذبل ثم تضعين الطماطم والفلفل البارد والجزر المبشور واللحم المفروم او الدجاج المفروم وتلقبينهم على النار ثم تضيفين معجون الطماطم والمويه الحاره والبهارات والملح وتسكرين عليها وتخلينها على النار
بعدين تجيبين صحن وتحطين فيه علبة قشطه وملعقتين جبن كاسات وملعقة مايونيز وتخلطيها
تجيبين صينيه وتحطين فيها المكورنه وتحطين الخليط فوقها وتقلبينها حتى تختلط تماما مع المكرونه وتسوينها بالصينيه بالملعقه حتى تصير طبقة مستويه وتجيبين صلصة الطماطم اللي سويناها وتحطينه فوقها بعدين ترشين فوقها الجبن المبشور وبعدين حمريها من فوق
وبالهنا والعافيه
وهذي الصور
انتظر تجربتكم ان شاء الله ما راح تندمون مره روعه الطبخه
