مكرونه بالجبنه

وعليكم السلام
أختي تبغين طريقتها نفس الصينيه ويكون طعمها جبنه بدل الباشاميل وإلا بالقدر وتنحط بصحن ومخلوطه مع جبنه ؟؟؟؟ وضحي حبيبتي وباذن الله أقول لك الي تبغين بس أنا مو فاهمه عليك تراني شاطره بالمكرونه والحمد لله >>>>>>العيله ادماااااااااان مكرونه ...

آهـلا آختي لآ خيتو انا مابغها نفسس الباشمل ابغاها تكون مخلوطه وربي يعافييك ان شاء الله

صينية المكرونه بالفرن

المقادير والطريقه مع بعض : *3علب مكرونه +ملح (أنتي تقدرينه ) +ملعقتين أو 3 ملاعق زيت
توضع في قدر مع ماء مغلي وتسلق ..
*كشنة لحم مفروم أودجاج مقطع صغير (حشوة السمبوسه ) وطريقتها بصلتين مفرومه +3أو2فص ثوم مدقوق تحمس على النار بقليل من الزيت حتى تشقرثم يضاف اللحم المفروم والملح والبهارات (أنا أحط ماجي ) ثم فلفل أخضر رومي مفروم حبه وحده مع التقليب ثم طماطم مقطع صغيرثم بعد مايستوي حزمة كزبره أوبقدونس وممكن تضيفي بازلا مسلوقه وتقلبي وبعد مايستوي تبعديه عن النار وتغطينه ...
الباشميل (طعم الجبنه ):أحط ملعقتين دقيق لكل كوب حليب (أحط 12 ملعقة دقيق +6 أكواب حليب >>>>>تجي لك صينيتي مربعه كبيره..) وأخلطه زين + شوي زيت + ملح ..وعلى النار أحركه حتى يستوي وبعدين أبعده عن النار وأحط عله كوب جبنه سايله +2 علبة قشطه +علبة مايونيز صغيره( كبركوب الجبنه الصغير )وأقلبه مع بعض ...
آخر شي
ثم أخلط الباشميل مع المكرونه المسلوقه وأترك ربع الكميه للتغطيه ....بعدين أحط نص المكرونه بالصينيه وثم اللحمه (الحشوه )ثم أصب شوي من الباشميل ثم أوزع جبنة موزريلا أو كرفت فوق الحشوه (وهذا السر بطعم الجبنه )ثم مكرونه ثم بقية الباشاميل وجبنة كرفت وأحيانا ما أحط كرفت فوق على الوجه أخليه بس للحشوه وبعدين دخليها الفرن حتى تستوي وبالهنا والعافيه

:26:

والحين باكتب لك المخلوطه

يمي يمي روعه بصراحه جوعتيني زياده

عسساك على القوه وربي يسهلك امرك ويفرحك عن قريب

شوفي هذ حافظتها عندي بس والله مدري لمين الله يجزاها خير:) ....

المقادير
اول شي مكرونه اي شكل وانا افضل هذا الشكل ا لحلزوني

كريمة الخفق

صدور دجاج مقطعه شرائح وكرنب او ملفوف مقطع شرائح

بقدونس وكزبره وبصل اخضر وثوم مفرومين ناعم

جزرشرائح وفلفل ر ومي وبصل مقطع قطع صغار





ونجي للمكون ال يخليها لذيذه وهو الجبنه تشدر


الحين نجي للطريقه
1_نسلقالمكرونه في ماء وزيت وملح لمدة ربع ساعه
2_نقلي البصل في شوي زيت ونظيف لهالثوم ويشوح ثم يضاف له الدجاج الى ان يتغير لون الدجاج
3_نضيف البهارت الاعندك او مكعبين ماجي وتحمر ثم يضاف الفلفل الرومي والجزر ويقلب
4_نضيف الكزبره والبصل الاخضر والبقدونس وتقلب
5_ثم نضيف المكرونه ثم الكرنب وتقلبو نضيف كريمة الخفقونقلب

6_ثم نضيف السر وهوجبنة الكرافت التشدر وتترك قليل على النار وتقدم

وإذا أنتي مره مستعجله وما عندك وقت اسلقى مكرونه وصفيها وأضيفي جبنه سايله كوب صغير + 3 ملاعق مايونيز + علبة قشطه وتونه على ماتبغين تكثرينها أو لا وقلبيه وبسرعه حطيه بالصحن ورشي فوقه كرفت مبشوره أو موزريلا وممكن ترشين عليها زيتون أسود مقطع وبسرعه على السفره مع صحن سلطه وبيبسي(وأنا مجربتها وقت الزنقات ومعتمدتها ) وهني وعافيه على قلبك يالغلا وأتمنى إني أفدتك وعرفتي الي تبغين:26: ....