اليوم حبيت اوريكم طبقين الاول صينيه المكرونه مع اخضار>>بصراحه كانت لخضار زايده عندي من ايدام اليوم اللي قبله وما حبيت اعيد الاكله فقلت اخترع شيء وطلعت معي هي الصينيه
المهم نبدا بالمقادير
مكرونه حسب الشكل مسلوقه ماجي وشويه فلفل ((غيرالاعواد)) , مجموعة خضار مسلوقه انا كنت حاطه ((جزر وبطاطس, فاصوليا وقرع )), دجاج مقطع مربعات ومسلوق
نحط المكرونه بصينيه
واذا كانت جاهزه عندك الخضار نضيفها فوق المكرونه (( او يتم سلق الخضار السابقه مع معجون الطماطم)) ونضيف الدجاج
و بعدين نعمل بشاميل ونضيفها فوق الكرونه ونضعها بالفرن حتى تتحمر من فوق
بالعافيه على قلوبكم
نجي للطبق الثاني اللي هو فاصوليا بالزيت سهل ولذيذ
المقادير ثوم مبشور, كزبره مفرومه نحطهم بمقلاه ونقلبهم بزيت الزيتون>>لازم زيت الزيتون
وتكون الكميه كبيره شوي
حتى تذبل الكزبره شوي بس انتبهي الثوم يحترق
ثم نضيف الفاصوليا المقطعه ونقلبها بالزيت مع الكزبره والثوم ونلاحظ كيف الزيت
ثم نضيف عليها الماء والماجي والبهارات والملح ونسكر عليها حتى تستوي الفاصوليا
وتتقدم بارده شوي مع اللبن وتتاكل بالخبز العربي
وبالعافيه على قلوبكم
لا تحرمونا مشاركتم
.. اليوم الصبح كنت بيني وبين نفسي قول يارريت اعرف اعمل اي طبخه بالفاصوليا .. لانه عندي صندوق
كاااامل فاصوليا !!!! ومهب عارفه كيف اتصرف فيها قبل لا تخرب ..؟
فرحت جداااا بموضوعك اختي ..:)
تسلمين من كل شر ..