طبقي اليوم معكرونه باشامل واكيد الكل عارفها
بس الجديد فيها ان البشامل مو بالحليب بالجبن
ونبدا بالطريقه المصوره
اول شي اسلقي المعكرونه تقريبا كرتون كامل
واسلقي الدجاج مثل ماتشوفون
واثناء سلق المكرونه والدجاج نجهز البشامل
اول شي نذوب ربع اصبع زبده ونضيف له ملعقتين كبار دقيق
ونحرك بسرعه
ونذوب ثلاث ملاعق كبيره جبن سايل ابيض
في كاسين مويه مغليه ونتبله بملح وفلفل اسود
وبعد تحريك الدقيق مع الزبده نضيف لهم الجبن
المذوب ونحرك بسرعه لين تتجانس المقادير
ونستمر في التحريك لين تثقل شوي
وهذا البشامل جاهز
بعد سلق الدجاج نتفيه نتف صغيره
ونضع في الصينيه نص مقدار المكرونه ونصب شوي بشامل
ونوزع الدجاج المنتف بهالشكل
وبعد كذا نضع باقي المكرونه ونصب البشامل بالتساوي
والافضل بملعقه اسهل للتوزيع
ثم نبشر عليها جبن موتزريلا بهالشكل
وندخلها الفرن من فوق وتحت مع بعض لمدة ربع ساعه
ومن فوق لين تتشقر بهالشكل
واهم شي لا تقطعينها وهي حاره خليها تبرد شوي
عشان تتماسك لا تغلطون غلطتي من العجله قطعتها حاره
ماعندي وقت
وهذا الطبق لاول وحده تقولي رايها
مدري ليش ذالصوره تعور العيون ولا انا بس
ويالله هذي صوره ثانيه من قريب
اتمنى تعجبكم وتقررون تجربونها
عليكم بالف صحه وعافيه
والقادم احلى واحلى باذن الله
:39:
