المهم اول شي سلقت المكرونه حطيت مويه وملح لمن غلت واضفت لها المكرونه وصبيت فوقها ملعقه بهارات حاره وقرن فلفل أخضر حار وخليتها استوت وفي هالوقت سويت التونه بطريقة ام عبودي بس ماضفت صلصله اللي هو أول شي كشنت البصل والثوم مع الزيت لين تشقرت بعدها اضفت الفلفل الرومي البارد وحطيت عليه بهارات مشكله مهران وكمون مطحون وذرة ملح على حسب رغبتكم انا ماحب الملح مره بعدها صفيت التونه من الزيت وصبيتها فوق الكشنه وقلبتهم مع بعض وقطعت كزبره خضراء حطيتها على التونه وقفلت النار واضفت لهم جزر مبشور بعدين
جبت الصينيه اللي بدخلها الفرن وحطيت المكرونه اللي قد سلقتها والتونه وقلبتهم مع بعض
وهذا الوقت كنت قاعده اسوي البشاميل اخذت طريقته من هنا عالم حواء ولذيذ اللي هو حطيت كوبين مويه و٤ ملاعق حليب بودره و ٤ ملاعق دقيق ابيض ورشة ملح وانتبهي اخلطيهم بأستمرار عشان مايتكتل عليك ولمن ينجح طفي النار واضيفي ملعقتن كبار جبن سايل ورشة فلفل اسود
انا ماكان عندي جبن حطيت بدالها مايونيز وبس صبيتها فوق المكرونه ودخلتها الفرن ..
جربوها لذيذه بتعجبكم وسريعه الكلام طويل بس التطبيق سهل وبالعافيه علينا وعليكم 😍❤
