مراحب حوائيات
انا أول مره اكتب موضوع في عالم حواء ويارب مايكون أخر واحد مع اني صارلي تقريبا 4 سنوات اتابع المنتدى وموا ضيعكم الرائعه والي فعلا أستفدت منها
وكل مره كان زوجي يقولي تسلم يدك او اشوف نظرت اعجاب من الي حولي في طبخي وبيتي كان الفضل فيه يرجع لله ثم لكم حبيباتي الحوائيات ويارب افيد وأستفيد
و أكون خفيفه على قلوبكم
مكرونه الباشاميل اكيد كلنا نعرفها بس كل وحده لها لمستها الخاصه فيها وهذي طريقتي ويارب تعجبكم
:26:
ندخل في الطريقه
مكرونه أسطوانية الشكل تسلق في ماء حار وملح
نعمل بشاميل نسيح نصف قالب زبده كبير ونحط عليها 6ملاعق دقيق أبيض وبعدين نحط عليها 3 كاسات حليب سائل وبهار أبيض ونص حبه ماجي وملح ونطبخها الا أن يشتد قوامها وتصير زي المهلبيه تقريبا وبعدين طفيها ونحط حبه بيضه ونخلطا بسرعه عشان ما تتجمع علينا ويخرب ملمسها وبعدين نحط كوب جبنه شدر ونص كوب جبنه موزاريلا
اللحمه نطقطقها على النار ونحط عليها حبه بصله مفرومه ألين تنشف ويتغير لونها نحط عصير طماطم وملعقه صلصه طماطم وبهار وملح وثوم
نخلط المكرونه مع ربع كمية البشاميل
نجيب صينيه كبيره ونحط فيها طبقه بشاميل وطبقه مكرونه وطبقه لحمه ونعيد طبقه مكرونه وطبقه بشاميل وأخر شي نحط على الوجه جبنه موزاريلا وندخلها الفرن وتطلع مكرونه ولا أحلا تنافسي فيها الكل وبس
-
