اول شي اشكر صديقتي اللي دلتني على هالموقع واعطتني معرفها وقالت البنات ان شاءالله بيساعدونك الله يسعدها وين ماراحت
السلام عليكم ورحمة الله وبركاته..
اولا كنا عائله عاديه خالاتي بينهم مشاكل بس نقدر نقول انهم على قلب واحد او على الاقل يكلمون بعض يتزاورون
بينهم سوالف واتفاقات ومن هالقبيل
امي كانت تصرف عليهم صرف مو طبيعي اكثر من يونسهم امي
رغم ان امي ماعندها مصدر دخل وخالاتي كلهم ماشاءالله اللي عندها اراضي واللي ذهبها لين اخر الدنيا واللي راتبها كبير جدا والباقي متوسط نفس مستوى امي
المهم امي في اي عزيمه محد يدفع عشاهم الا هي
في اي طلعة محد يدفع عنهم الا هي
في اي مناسبه محد يعطي الهدايا الا هي
صارت سالفه تاااااااااااااااااااافهه تصير بين كل الاخوات
بس من بعدها خلاص
امي ماتكلمهم
ماتزورهم
قطعت حتى في بيت اهلها
وهم مابادرو ولا اعتذروا
صارت امي تروح كل اسبوعين مره بس تزور جدتي و(تتأكد) قبل ان مافيه احد عند جدتي
عشان ماتصادفهم
صرنا منعزليييييييييييييييييين
اخواني عادي عندهم ماحس يهمهم هالموضوع لانهم مثل طبع امي ويزيدونها انا غير ماحب اشوف امي كذا لا قريب ولا صديق ماعندها حتى صديقات روتينها ممل جدا وقاتل ولا ابيها تذنب هالذنب الكبير وبرضو احب الجمعة والناس والقرايب بس يويلي اتكلم
امي دايم تقول لي يامسكينه انتي خالاتك مايطيقونك رغم اني اشوفهم عادي يحبوني
ماتبيني احتك فيهم ابد
الوضع هذا له 5 سنين
انا احس بفراغ قاااااااااااااااتل احس وضعنا لايطاق
لا اهل ولا عزوه ولا قرايب تخيلو !!
صارت حياتنا روتين ممل
طول الاسبوع في البيت الويكند الناس تروح لقرايبها وجمعات وجلسات
احنا سوق!!
ناكل ونرجع
وهكذا
مدري ايش الحل
بنت ناس^_^ @bnt_nas_19
عضوة فعالة
يلزم عليك تسجيل الدخول أولًا لكتابة تعليق.
قهوه سعوديه
•
حاول تصلحو بينهم كلمي اقرب خاله او خال يحلها بينهم
حاولي تكلمين امك وتقنعينها ان اللي يصير موصح لو تدخلين جدك تصلح بينهم والله يهدي النفوس
الله يصلح حالكم ياحبيبتي الحين هلسوالف صايره بي اغلب العوايل بس انتي حاولي بي امك وبيني لها بطريقه غير مباشره فضل صلة الرحم
الصفحة الأخيرة