كيفكم و شو اخباركم
سويت لكم مكرووونه بالباشميل يمي لذيذه
سويت الحشوه لحمه مفرومه وقطعت عليها طماطم و فلفل رومي و بيض مسلوق
وغطيتها بطبقة مكرونه وفوقها الباشميل طبعا
طريقة الباشميل
المقادير:
1- كوب زيت نباتي كامل ( لا تتفاجؤون من الكميه سر نجاح الطريقه هو الزيت )
2- كوب طحين ( وراح نستخدم من يمكن 3 ارباعه بس)
3- حليب شبه مغلي ( يعني موضوع على النار وساخن ولكن لا يغلي ) الحليب تقدرون تذوبون الحليب البودره في الماء وهو بارد وبنقول الكميه 6 أكواب ماء كبيرة و9 ملاعق أكل حليب البودرة نوضعها في قدر ونتركها تسخن
نحط الزيت والطحين مع بعض في قدر ونستخدم مضرب البيض اليدوي للمزج
لو شفنا المزيج سائل نزيد شويه طحين لحد ما نشوفه لزج
ونفضل نحرك لبضع دقايق على حسب الطحين ينضج
( سر نجاح الباشميل وهو ان يكون الطحين ناضج)
وبعدين نرفع بعد 3 دقايق من غليانه
ونضعه على الحليب مباشرة ولا ننسى نبقى على خلط مستمر
ونضيف الملح والبهار الأبيض حسب الرغبه
وننتظر عليه 5 دقايق ويصير أحلى باشميل
نشغل عليه الفرن من تحت 10 دقايق وبعدين احط على الوجه بيضه مخفوقه
واحمره الوجه
وهنا الشكل النهائي
وعلى السفره لما رحت لاهلي
يا خسااره الصور ما طلعت عندي :44:
بس باين من الوصفه انها لذيذه
يعطيك الف عاافيه وتسلم يدينك