والله الجرابات والتعليقات انتشرت في محلات ابو ريالين انا سويت تعليقات يعني بشكل غريب بشك ولولو بس الى الان ماعرفت اصرفه مدري وين ابيعها

مراحب
أنا لازم احشر نفسي حتى لو وما عندي فكره (وااااااااو)
بس انا لاحظت هنا انه في مركز تحفيظ يعمل يوم مفتوح ومن ضمن النشاطات انه ممكن تحجزي عندهم طاوله ب 100 ريال وتعرضي عليها مواهب المطبخيه او الفنيه او اي سلع تودين عرضها للجمهور و بس مش عارفه هي عاده في السعوديه ولا ايش ؟؟
ولو حبيتي ممكن تتشاركي انت واح الاخوات وتدفع كل وحده نص تمن الطاوله واعرضي عليها الموجود ( والرزق على الله )



حبيت اسأل الاخوات المشاركات في التسويق المنزلي لمنتجات AVON انه كيف الترتيبات؟ ولا يمكن ولا وحده مشاركه معاهم ؟؟؟

من فترة جبت قمصان نوم روعة صناعة لندن و موديلاتها بسيطة منها اللي بدون كم و منها الي نص كم و منها بكم

المهم الوان مختلفة و نوعيتها قطنية

و في كذلك قمصن نوم حريرية بموديلات مختلفة

و الله و عطيتهم مندوبة تدور على البيوت

و الصراحة الناس تجننو عليهن و مشت البضاعة

في البداية ما حبيت اكثر منهم لاني خقت انهم ما يمشون و لكن الحمد لله صار لي مكسب حلو من وراهم

اختي ندى عندك سوق الجمله السوق اصلا يشترون منهم ويبيعون...الصراحه بوصلك على حد علمي انا

اذا انتي من الدمام تعرفين عطارالجنيد (معروف)اللي عند مغسلة الموتى واللي بانين مسجد كبير على الزاويه معرف اسمه ومحلات بيع العطور بالجمله بهالمنطقه ذيك كل شي هناك برخص التراب(على قولتهم)...اتوقع وصفي انشاء الله يكون صحيح وانتي رايحه لمستشفى المركزي ..خلي المشتشفى على يمينك والتوفيق على يسارك وابتلي سيدة الى لما توصلين شقق العييري المفروشه اللي عند الاشاره عدي الاشاره اتوقع بعد ثاني اشاره او قبلها بعد العييري بتشوفين المسجد على يمينك واضح مثل الشمس لفي يمين هالشارع اللي تشوفيه على امتداد نظرك كله سوق الجمله ...لاني انا اشتري عطوراتي منهم ارخص من السوق يبيعون مفرق اللي بالسوق 180 اخذه على 100 او 120 على حسب صاحب المحل..اتمنى اكون قد وفقت بالوصف تحياتي

بسم الله الرحمن الرحيم
الحمدلله رب العالمين والصلاة والسلام على اشرف المرسلين

الاخت شذى / السلام عليكم ورحمة الله وبركاتة

اسمحي لي في البداية ان اسميك بشذى الخير لان موضوعك ****مكسب مادي للأخوات الغير عاملات**** موضوع للمشاركه

يجعلني اسميك بهذا الاسم فالرسول الكريم علية الصلاة والسلام يقول خير الناس انفعهم للناس وانت ان شاء الله منهم
كما تعلمين اختي الكريمة ان عدم توفر الوظائف اصبح شيئا ملموسا وعدم وجود قبول للكثيرات من الفتيات في الكليات والمعاهد ايضا شيء لاينكرة عاقل ولمايسببة هذا الوضع من الكثير من الاحباطات النفسية لاخواتنا واللواتي لو رضيت بقدرها بعدم وجود وظيفة اوقبول في كلية وجلست في البيت فا المادة قد تكون عائقا لها من القيام بمشروع تجاري بالاضافة الى انعدام الفكر التجاري الخلاق لديهن بسبب انعدام الخلفية العلمية مع انة يوجد الكثيرات ممن نجحن في اعمالهن بالفطرة وانا واجهت واحدة من اللواتي نجحن وهي سيدة عجوز لديها مبسط تبيع فية فنايل وسراويل وطواقي ولادي ورجالي فلما سالتها قالت ان هالبسطة هذي من خلالها وخلال اربع سنوات استطاعت شراء بيت في حي العزيزية بالرياض بمبلغ 300 الف ريال وتقول انها في رمضان لوحدة صافي ارباحها يصل الى 15 الف ريال ماشاء الله عليها ولكن تقول فيها تعب ومشقة كبيرة مثل انها كل صباح تروح لسوق الجملة علشان تشتري اغراضها ثم تعود للبيت وثم من قبل صلاة العصر الى الساعة الحادية عشرة ليلا وهي في السوق 0 بلاشك انها معاناة ومكابدة كما تلاحظين ولكن لذة النجاح وتحقيق بعض اهداف الانسان تزيل مرارة المشقة والحياة للانسان كما وصفها الرب تبارك وتعالى هي الكبد والمشقة يقول الله عزوجل( ولقد خلقنا الانسان في كبد )
ولذلك فكرت ان نتشارك انا وانت وكل المشاركات في طرح مالدينا من افكار وعدم جعل هذا الموضوع يرجع الى الصفحات الداخلية بل يجب ان يكون مثبتا لمدة طويلة او يقترح على ادارة المنتدى فتح قسم خاص للافكار الاستثمارية 0
كما تعلمين ان الكثير قد يكون لديها موهبة في مجال معين ولكن مشكلتها هو تسويق هذا المنتج فانا لدي اقتراح وهو كل الاخوات اللوتي شاركن في موضوعك المتميز وغيرهن ممن لديهن افكار اخرى بامكان عمل الاتي :
تقوم احدى المشرفات اوانت اختي شذى الخير بالاتصال على احدى الجمعيات النسائية مثل جمعية النهضة النشائية او جمعية الوفاء النسائية او القسم النسوي بمركز الامير سلمان الاجتماعي او عميدات الكليات مع بداية الدراسة واختيار توقيت مناسب ويتم حجز صالة او مكان في الجهة المعنية ودفع الايجار للجهة المستضيفة ومن ثم تقومين بدعوة البنات عبر موضوعك وعبر اعلان في احدى الصحف عن تاجير اماكن لبيع المعروضات التي سوف تشارك بها الاخوات ويفضل ان تعطى الاولوية لمن يعمل من المنزل أي ليست صاحبة محل او مؤسسة 0 بمعنى انسانة تريد ان ترزق الله 0 وانت ايضا ستستفيدين ماديا ايضا 0
ارجو ان يكون شرحي للفكرة واضحا واذا استشكل عليك شيء انا مستعدة للاجابة عن أي استفسار وانا مثل مايقول المثل العامي ياشذى نعين ونعاون 0
الحمدلله رب العالمين وصلى الله وسلم على نبينا محمد
لاتنسيني من دعوة في ظاهر الغيب ياوخيتي 0 مع السلامة 0000

ملحوظة :
حبيت ارسل لك ر0 خ بس ماعرفت ممكن تعلميني وشلون تفعيل او تحريرالاسم 0 معليش وخيتك غشيمة منتديات 0
ملحوظة ثانية :
ترى عندي افكار وتجارب اخرى بس اتمنى التفاعل وان نكون مثل الاسرة الواحدة نتبادل الافكار ونبادل التجارب والخبرات لكي يكون الجميع يشعر بالرضا عن ذاتة 0