مكسور قلبك !؟

بسم الله والصلاة والسلام على رسول الله ❤️
كلنا نعرف ان القلب ينكسر
وكسرة القلب توجع
وتاخذ وقت طويل وممكن تأثر على حياة الشخص وعلاقاته ..
ابحث كثير في مثل هالمواضيع لنفسي
وحصلت هالموضوع في اليوتيوب
خطوات لعلاج القلب المكسور 💔🙏🏻
بنقلها لكم باسلوب مبسط وواضح
١- اعتبري اللي حصل حلم مزعج وحاولي ماتتذكرين التفاصيل وتراجعينها بينك وبين نفسك
" تذكر المواقف اللي حصلت فيها كسرة القلب تزيد الالم وتضاعف اثره "
ونغرس في العقل القناعه ان محد يقدر يبكينا الا اذا سمحنا له 👍🏻
٢- مارسي التأمل ولو لعشر دقائق في اليوم
التأمل عباده ويفيد كثير في حالات كسرة القلب
" ابحثي واقرأي عن طرق التأمل وفوائده "
٣- فكري في شخصيتك واعرفي نقاط قوتك ونقاط ضعفك وطوري نفسك واشتغلي عليها
٤- ادخلي بالمجتمع اكثر شاركي بالنشاطات الاجتماعيه ، تطوعي بالجمعيات والحملات الخيريه
٥- استمتعي في الحياة وخلي في بالك الحياة دائماً جميله ولو انغلق باب ، باقي الابواب مفتوحه
اطلعي مع صديقاتك ، اضحكي ، ارقصي ، استمتعي بالقهوه بالاكل بالجمعات الحلوه بالناس اللطيفه
اكتبي خواطر ، ارسمي ...
٦- اعتني بجسمك اهتمي بصحتك رشاقتك اناقتك طلتك ...
٧- التفتي للناس اللي حولك بتلاقين ناس يحبونك تهمهم سعادتك و يتمنون نجاحك وعطيهم من وقتك اكثر 👍🏻💕
وأخيراً وأهم من كل هذي النقاط اهتمي بعلاقتك بربك تقربي اكثر بالعباده واجتهدي تكونين صالحه.. يعينك الله على نفسك