مكعبات التوست المقليه لزيزه و سهله و طعمها ممممم روعه

أهلين يا بنات كل عام و انتم بخير أنا صراحه أول مره أشارك معاكم في منتديات المطبخ
و أول مشاركه ليه
أكله دايما أسويها للضيوف لأنها سريعه و لزيزه و كمان ساروا ضيوفي يطلبوها مني طلب
و هي مرررررره سهله و سريعه و مررررررررررره لزيييييزه

المقادير :
عيش توست
جبنه كرافت كاسات
مفروم لحم ( يكون مستوي و جاهز )
بيض
بقسماط

الطريقه :
اقطعي أطراف التوست بالسكين
و بعدين جيبي كل توستتين و حطيهم فوق بعض و قطعيهم مكعبات ( هشان تاخدي كل مكعبين قد بعض مع بعض)
التوسته الوحده 6 أو 4 مكعبات زي ما تحبي مقاسها
و بعدين جيبي كل مكعبين قد بعض و ادهني جهه وحده لكل مكعب ( عشان حنلزقهم في بعض )
و جيبي المفروم ( تكوني انتى مجهزته من أول و مسويته مع البصل و الملح و الفلفل )
و احشي بيه كل مكعبين و لزقيهم في بعض ( يعني زي السندويتش )
و بعدين حطيه في البيض الخفوق ثم في البقسماط
و بعدين اقليه في زيت الين يحمر و قدميه ساخناً
و بالعافيه