هذي الطريقه مستوحيتها من جمبري شانغهاي لعزيزه
بس كعادتي غيرت فيها وأضفت لها...
المقادير :
12حبة روبيان تبين جامبو الكبير أو المتوسط منظف بس بذيله
مكعبات سمك فيليه شاريته طازج وقطعته مربعات وجمدته والقطع (ماحسبتهم حطيت على قدنا)
زيت سمسم
ربع كاس صويا صوص معتدله وربع كاس كاتشب
ملح
عصير نصف ليمونه
ملعقة خل أبيض
نصف بصله مقطعه مكعبات صغيره
3 فصوص ثوم مهروسه أو مبشور
بشر قشرة ليمونه كامله
ملعقة زنجبيل طازج مبشور
ملعقة ك مليانه نشا ذوبتها في ثلاث أرباع الكاس مويه
كاس ونصف مويه
ورقة غار
والكاس هنا إستخدمت هذا الورق عشان أرميه:D
الطريقه::
أول شي سخنت المقلاة بعدين صبيت تقريبا فنجان قهوه عربيه زيت السمسم
وهزيت المقلى عشان يتوزع الزيت وشوحت فيه السمك والقمبري بطريقه سريعه
مع تقليبهم بالهز عشان مايتفتت السمك,وشلتهم قبل ينضجوا وخليتهم على جنب،
بعدها عالسريع أضفت البصل حتى طلع شفاف وأضفت الثوم وبعدها الزنجبيل
ومبشور قشر الليمون وقلبتهم حتى فاحت الريحه العطريه لليمون ورجعت القمبري
والسمك معاهم عشان ياخذو الريحة الحلوه قبل تتبخر وقلبتهم,بعدها عصرت
نصف الليمونه معاهم وأضفت ورقة الغار خليتهم دقيقه بس وبعدها أضفت الصويا والكاتشب
وملعقة الخل ونصف كاس مويه وقلبتهم وغطيتهم شويه بس ممكن دقيقتين
بعدها أضفت كاسة المويه الباقيه مع ثلثة أرباع الكاس المذوبه فيه ملعقة النشا
ومزجتهم بالملعقه وملحتهم شويه بس عشان الصويا فيها ملوحه وغطيتهم حتى يتسبكوا
وهذي صورتهم بعد ماأضفت المويه والنشا:
..........
........
وهنا بعد ماسكبتهم في صينية التقديم وسويت معاها رز أبيض وسلطه خضراء
"]
........
"]
طعمها ماينشبع منه وسريعه وحلوه في التقديم وبإمكانك تستخدمين سمك لحاله .........
ونسيت أذكر إني ماإستخدمت أي بهارات لأنها ماتحتاج وبتخرب النكهه المطلوبه وصوص
الصويا قايم بدور البهارات..
ما شاء الله تبارك الله ..
روووووووووووعة ....
تسلم ااااايدك حبيبتي..