مكعبات السم الهاري

السلام عليكم ورحمة الله وبركاته

موضوع مهم جدا شاغل بالي من كام يوم وكنت ناويه اكلمكم فيه خصوصا لما قريت
علي المنتدي موضوع لاخت فاضله بتسأل عن الملح الصيني واللي ماكنتش اعرف ايه هو الا بعد رد اخت
تانيه قالت انه ال " غلوتمات أحادي الصوديوم"

عندنا في مصر عمري ماشفته ولا عمري استخدمته صراحه ، بس اللي اعرفه بحكم
تخصصي كصيدلانيه انه من ضمن مكونات مرقة الدجاج ويعتبر اخطر مكون فيها

لاحظت كمان من اول ما انتظمت في متابعة المنتدي ان الاخوات بيعتمدوا
علي مكعبات مرقة الدجاج بشكل عالي جدا
وده اللي قلقني بشده ، بصراحه يا جماعه مكعبات مرقة الدجاج دي ما هي الا
مكعبات السم الهاري اللي بنضيفه علي اكل عائلاتنا من غير ما نعرف

مادة ال " غلوتمات أحادي الصوديوم" ليها اضرار لا تعد ولا تحصي وبتسبب امراض كتيره
علي راسها :

ضغط , سكر , كولسترول , قلب , تصلب الشراين ،الصداع ، تسبب السرطان ، تاخر النمو
العقلي عند الاطفال اقل من 3 سنوات وبتسبب لهم أعراض "فرط الحركة وقلة الانتباه"
(Attention-Deficit Hyperactivity Disorder)
كمان بتسبب السمنه والادمان وليها دور في الزهايمر


كمان مكعبات المرقه بتحتوي علي كميات زايده جداعن حاجة الجسم اليوميه
من الاملاح المعدنيه ، كل ده الي جانب المواد الحافظه والمواد المنكهه اللي عادة بتبقي ضاره

احنا كمان مانعرفش هي بتتصنع من ايه بالظبط هل مصنعة من لحوم الدجاج أم من النفايات
المتبقية من مصانع لحوم الدجاج المصنع، ام من جلد وعظم الدجاج اللي معروف
ان الملوثات البيئيه الموجوده في طعام الدجاج بتتركز فيهم كمان الهرمونات
الموجوده في العلف اللي بيتغذي عليه الدجاج


مادة " غلوتمات أحادي الصوديوم" للاسف مش في مكعبات المرقه وبس ،
لا دي في حاجات كتير اوي بناكلها وناكلها لولادنا من غير مانعرف
موجودة في الشوربة "كامببيل"، ومنتجات "هوستيس دوريتوس"،
ورقائق البطاطس ماركة "لييز"، وشعيرية "توب رامن"(شعيرية شبيهه بـ"الإندومي")،
وصلصلة الهمبرجر ماركة "بيتي كروكير"، ومرقة البطاطس المهروس "هينز"،
والوجبات الجاهزة المجمدة "سوانسون"، وصلصة السلطة "كرافت" ،
وخاصة تلك الصلصة المكتوب عليها "صحية وقليلة الدهون".

ممكن برضو تلاقوا مادة الغلوتامات احادي الصوديوم تحت مسميات تانيه ،
مثلا "البروتين النباتي المحلمئ" ( Hydrolyzed Vegetable Protein)

فيه كمان مطاعم كتير اوي بتضيف الماده دي لاكلها علشان تسبب ادمان لروادها وتخليهم
زبائن دائمين و تحفيزهم على الأكل بكثرة
مثلا :

مطاعم "برجر كنج" ، و" ماكدونالدز" ، و"وينديز"، و"تاكو بيل" ،
و"تشيليز"، و"أبلبيز"
أما مطعم "كنتاكي" فيبدو أنه أبشع المجرمين: فمادة "غلوتمات أحادي الصوديوم"
تضاف إلى كل طبق دجاج ، وصلصة سلطة ، ومرقة بطاطس مهروسة.
علشان كده ماتستغربوش لو كنتوا بتدمنوا طعم الطبقة المقرمشة التي على جلد الدجاج،
فالخلطة السرية مش اكتر من مادة "غلوتمات أحادي الصوديوم".


اتمني ان كل الاخوات في المنتدى يبطلوا استخدام مكعبات المرقة وأن يتعبوا نفسهم
شوية و يعملوا شوربة طبيعية فى البيت
هي صحة ولادنا ما تستحقش بعض التعب البسيط؟؟؟؟؟؟؟؟؟؟؟؟؟؟؟


انا شخصيا عمري ما استخدمة مكعبات المرقه دي في طبخاتي واكلي بشهادة الجميع في منتهي الطعامه
باستخدم التوابل والشوربات الطبيعيه
كمان في طرق لعمل مرقات الدجاج واللحم في البيت
استنوها في الرد الجاي ان شاء الله