مكعبات الشوكولاتة...

بنات السلام عليكم

بصراحة حبيت أشارك بالحلى (مكعبات الشوكولاتة) اللي فعلا يسوى تسوينه حق ضيوفك وتكشخين فيه .. شوفوا صورته وإنتو بتحكمون .. لأني سويته وطلع جنان .. شوي مكلف بس الغالي يستاهل .. يلة نبدأ المقادير :

1 بسكويت بتي بور (200 غرام)
1 كوب حليب سائل
2 كوب حليب بودر
2/1 كوب سكر
1 قالب زبده
1 قيمر
96 قطعه شوكلاته صغيره (آنا إستخدمت فقط 60 حبة) على حسب حجم الصينية مالتك
2/1 علبة حليب مركز
12 قطعة جبن كريمه
قليل من القهوه الفوريه

الطريقة

1- نغمس البسكويت بالحليب السائل ونصفهم في الصينية المستطيلة ويفضل صف عدد 2 طبقة من البسكويت .
2- نحمص الحليب الباودر لما يصير لونه ذهبي .
3- نخلط السكر مع الزبده والقيمر بالخلاط الكهربائي ونضيفله الحليب المحمص وبعدين نسكبه على البسكويت (بصراحة آنا صار عندي جامد شوي يعني ماقدرت أتحكم في الاسكاب فأضفت للمقدار عدد 1 زيادة قيمر وربع كوب ماي).
4- نصف قطع الشكولاته على الخليط السابق .
5- نخلط بالخلاط الكهربائي الحليب المركز مع قطع الجبن لما يصير خليطا متجانسا ثم نسكب القليل منه على كل قطعه شكولاته ونرش عليها شوي قهوه .

بعدين نحطه في الثلاجة لما يجمد حتى تجمد تماما ثم تقطع وتقدم مع القهوه (آنا سويته باليل وخليته ليما اليوم الثاني علشان يتماسك أكثر).