مكنسة الترا للتنظيف بالبخار

رفع

عندي لها 9 شهور تقريبا
سعرها495 ريال
بالبداية تحتاسين معها وتحسين انك تورطتي
لكن مع الايام تتعودينها وترتاحين وماعاد تعيشين بدونها
احلى مافيها اذا كسلانة ومالك خلق للممسحة اليدوية وطرطشة المويه شغليها وخلصي شغلك بروقان
حلوة للفرن وتنظيف المطبخ وجدرانه وتعقيم الارضيات والبيبان
اما للسجاد اكون صريحة معك .. مافيه شي اسمه تنظفين وسخ السجاد ببخار مويه فقط
كذبة كبيييييرة وصراحة هي فقط لتعقيم السجاد وتنعش السجاد تطلعه كنه جديد والنسيج توقفه بس ماتنظف
وتراها تشتغل 220و120 جربتها على الكهربتين
عيوبها..
السلك قصير جدا يبيله توصيله او تودينه للكهربائي يغيره لك بواحد طويل
الفوط حقتها تخرب بسرعة يبيلك تشترين درزن من البيضا وسعره 60 ومن الزرقا نص درزن لانها غالية الدرزن ب120
ثقيله خاصه يوم تفكين الذراع حقها عشان تنظفين بالهوز تضطرين تشيلينها كثير
ماتصلح للمسح اليومي احس تعب عليك اذا بيتك كبير عشانها ثقيله

استغفرالله العظيم واتوب اليه

سبحان الله وبحمده

الله يجزاك خير ياايامنا الحلوة

البنات اللي رفعو الموضوع الله يرفع قدركم