مكنسة بيسيل الكهربائيه

رفع

ناوين عليها هالمكنسه اذا كانت خي اللي تكنس الستاير
....................

هلا عزيزتي
شوفي بنسبة للمكنسة فهي ممتازة الله يعطيكي خيرها ويكفيكي شرها
بنسبة لسؤالك
انتي تعبي الموية النظيفة في مكان زي كيس البلاستك الابيض صح
هذي الموية تمتزج مع الموية اللي تحطيها ورا في الخزان الخلفي مع المنظف
والموية الوسخة تتعبى في الصندوق الامامي اللي فية كيس البلاستك تحتو وبين جوانبو
بس مو داخل الكيس
يعني صح اللي انتي سويتي ياعسل لاتخافي واستخدميها وانتي مطمنة
ومبروك عليكي المكنسة حبيبتي
اي استفسار انا جاهزة
على فكرة هي عند الوالدة الله يطولي بعمرها عشان كذا انا عرفت لها
انا عندي بيسل موديل ثاني

حنايا الشوق>> رفع الله قدرك حبيبتي جزاك الله خير
ألين>> ايوه حبيبتي لغسيل الموكيت والكنب والستائر الله يكتب لك الخيره
ام سلطاان >> هلااابك يالغلااا
اهاا يعني استعمالي صح الله يعطيك العافيه حبيبتي والله كنت شايله هم انا شريتها بدون مااقول للوالده وخفت اكون خربتهاا واخذ تهزيئه خخخخخ
الخزان اللي ورى مكان الشامبو صح ؟؟
انا قالي تقدرين تحطيك الشامبو بنفس العلبه مع الماء اذا كنتي ماتبين تكثرين
وانا خفت من الغبار اللي انتشر بالجوانب جزئية الماء قدرت انظفها لكن الفرشاه الارضيه ماعرفت افكها علشان اغسلهاا !!
وبالنسبه للشامبو معاه علبتين وحده الغطاء ازرق ووحده ابيض ماادري ايهم الشامبو وايهم المطهر >> سوري كله مكتوب بالانجليزي وانا ثقافتي فرنسي هههههههههههههه
واقدر استعمل شامبو ومطهر غير اللي مع المكنسه ؟
وماعليش بثقل عليك حبيبتي لكن بسألك عن طريقة غسل الكنبات احس مايطلع منها بخار او هواء قووي مقارنة بقوة الواط فيهااا مادري هي كذا اولا ؟؟
واذا قدرتي تشرحين الخطوات بشكل سريع اكون شاااااااااكره لك يابعدهم
ادري طولتهااا معاااك حبيبتي بس مالك الا الاجر ان شاءالله
وربي يخلي لك الوالده ويطول بعمرهاااا ان شاااءالله

هلا حبيبتي
تقدري تستخدمي معاها اي نوع منظفات بس يكون مكتوب عليها مخصص للسجاد او مخصص لسيراميك
لاتفكري تحطي العملاق الاخضر يخربها او اي منظف رغوتر كثيرة فيري وخلافة>>>>شرح متعوب علية
بنسبة للعلب والله اني ناسية ايهم مطهر وايهم للسجاد >>>زهايمر
بس افتكر حق السيراميك مكتوب علية سولد يعني الاسطح الجامدة
وحق السجاد مكتوب علية فايبر
بنسبة للكنبات نفس طريقة السجاد يعني تكب موية وتشفطها
والطريقة
يبالها موضوع شرح مصور اذا رجعت جدة ورحت بيت الوالدة يبغالي اسوي تقرير
بس افتكر علي السريع
تعبي الموية والشامبويات وكل شي
وتحطي عندك فوق الصندوق زر مدور اختاري تولز للغسيل الكنبات والستاير الانبوب الصغير
او الخيار الثاني ماادري شسمو للارضيات السيراميك والسجاد
وفي قطعة زي شكل المساحة الجلد ( نشافة)
تستخدم فقط للسيراميك
وبس
دعواتك