مكواه لونا

هلا حبيبتي ..

انا عندي هالمكواة من سنة تقريبا .. مكواة رائعه لكني في الفترة الاخيرة صرت اكوي فيها كل الملابس الا ثياب زوجي لاني احسها تكرمشها وزوجي مايحب ثيابه الامصفوطه ههه

بالنسبه لاسئلتك:

متى اشغلها وكيف ادري انها اشتغلت واكوي فيها وهل هي تنذر اذا انكوت الملابس وهل احط قطعه قماش تحت الملابس اللي اكويها وايش فايده الاسفنجه

حبيبتي اول مرة اكبسي على زر التشغيل الاساسي اللي لونه ازرق ضغطه وحده وراح تسمعي رنة جرس تدل انه اشتغل



بعد كذا اختاري درجة الحرارة اللي تبغين من خلال الاسهم الرمادية اللي عاليمين اول حرارة اللي هي النيلون واخر درجه اللي هي اللينين وهي اعلى درجة حرارة .. ثم اعطي المكواة خمس دقايق او اقل حتى تضبط درجة الحرارة المطلوبة


طبعا فيه ميزة البخار وتعبين الموية من الفتحه الخضراء اللي فوق عاليمين لفيها علشان تفتح ثم عبي معيار الموية اللي جات مع المكوى الى الخط الموضح عليها"لاتزودي" ثم قفليه ولفيه علشان يتقفل ..
اذا نقص مستوى الماء راح يبدا يأشر لك رمز المعيار اللي في الشاشه على اليمين"جنب درجة الحرارة" واذا صار البخار جاهز للانبثاق راح يضيء لك رمز البخار اللي على يسار درجة الحرارة "شكل بخار"وطبعا في نفس المكبس ازرار حمر على يمين ويسار يد المكبس هذي اللي تضغطيها ضغطه بسيطه وتطلع لك بخار..
بس مو كل ماتكبسي تضغطي البخار لانه يخرب وانا صراحه ما استخدم البخار ابد احس ما ارتحت له ..

اما بالنسبة للانذار لا ماتنذر بس انت قدري يعني تقريبا 6 ثواني كفايه واذا ماضبط اكبسي مرة ثانيه

اما القماش فانا شخصيا غطيتها بقطعة قماش لان الغطاء الاساسي بدا يصفر

اما السفنجه فهي للثنيات يعني مثل راس الكسرة اللي في التنورة او ثنيه في فستان علشان تضبط تحطي السفنجه تحت التنورة او في داخلها وتكبسي وصراحه انا من زمان ما استخدمتها

طبعا يجي معها رشاش ماء لتسهيل الكي

اذا خلصتي منها خليها تبرد تماما ثم سكريها ولفي مفتاح القفل على lock علشان تتقفل وتقدري تنقليها لوحبيتي بكل امان

بصراحة مكواة حلوة للشمغ وللتنانير بكل انواعها والجنز خاصه وللملابس الداخليه الرجاليه والنسائية والبجايم وملابس الاطفال والبلايز وكل شي الا ثياب الرجال لاني بصراحه للحين ما ضبطت كي ملابس الرجال فيها . كمان تختصر الوقت والجهد وتخليك تكوي بكل سهوله

الله يبارك لك فيها .. واتمنى لك وقت سعيد واي استفسار انا حاضرة

up

الف شكر

شكر على الموضوع كنت افكر اشتربها علشان عيالي

لو سمحتو علمونا على سعرها