السلام علييكم ..
مرحبااا عرااايسنا ..
اشحاالكم شخبااركم *****الله مرتاحييين ؟؟
يبتلكم اليووم درس مكياج عيوون عنابي واسوود بالخطواات ..
هذا المكيااج اختي سووته لي .. هي تاخذ دووره الحينه ويالسه تجرب عليه بس بعدها مبتدئه وحفظت الخطواات منها وقلت بطبقها ع الفوتوشوب وبوريييكم ..
ماصورت المكيااج مالها بس هي تستخدم
kryolan , makeup for life & makeup forever 52
اووول شي طبعا حطت لي كونسيلر لونه مصفر شووي وفوقه حطت كونسيلر عادي وعقب بودره مضغوطه وتحت العين حطت بودره اطفاال تقول انها احسن وتعطي اضاءه احلى !!
1 . يابت كحل مائي ورسمت مثلث على كسرة العين ..
اسمحولي بنات الشغل ع الفوتو صعب ومايطلع مضبووط دايما ..
2 . موهته بفرشاة شوي يابسه ..
3 . حطت شدو مائي عنابي فوق الاسود ومدته لبرع ..
4 . حطت شدو مشمشي على نهايه الشدو العنابي ( بسيييط )
5 . حطت شدو بيج على الجفن الثابت .. لاحظوا ان الخط لازم يكون بين البيج والاسود واااضح مب مدمووج
6 . حطت اضاءه فضية تحت الحاجب ورسمت الحواجب بقلم اسوود ..
7 . رسمت العين من فوق بايلاينر وموهت اخره عند الشدو الاسود ومن تحت رسمت خط مسحوووب لبرع .. وكحلت العين وحطت ماسكرا .. ونثرت قليتر فضي على كامل العين وتحت العين ..
داخل العين كحلتني بقلم من مااركه اسمها رامز مادري رمزي اتوقع ماركه كويتيه وهذا اسمه الكحل البحريني خذته من معرض ف بوظبي بارض المعارض .. وهذي صورة تشبهه
وهذي العيين مع العدساات ..
وحطت لي روج بين العنابي والفوشي ..
والبلاشر حطت لي 3 الوان .. عند عظمه الحاجب لون وردي فااااتح وباهت وتحته لون وردي عادي وتحته لون فوشي .. طلع صدق رووووووووووعه .. جربوا هالحركه بتعيبكم ..
وبجذي خلصنا .. اللوك ماكان وااايد برفكت والعيون ماكانت متشاابهه عدل لانها حااامل بشهورها الاخييره وظهرها يعورها وماكانت ماخذه راحتها ومب عارفه تيلس وهي تسويلي المكيااج ومبتدئه بعدها وحواجبي مااشيلها ف مافي مساحه وااايد عشان تاخذ راحتها ..
اتمنى تقيمووني واشووف ردوودكم يا بناات لاني صدق تعبت وانا اسوويه ع الفوتوشوب ..
قلت لااازم اوريكم شغلها حراام لانها تعبت وهي تسوييه .. ادعوولها ربي يسهل عليها ولادتها واتييب نونو حلووو يشبهها مب كله يشبه ريلها خخخ
تسلم ايدج ..