مكياجي اللي الين الحين الناس تسألني عنه

سلام عليكم.. وصباح الخير للوجوه الطيبه:

بنات انا يوم زواجي رحت لكوافيره عاديه مره بس بنت صاحبة المحل صاحبتي وشغلها خطير .. البنت عايشه في فرنسا بس تجي اجازات.. وبالصدفه في يوم زواجي كانت موجوده وسوت لي المكياج... وقسم بالله الى الحين لي 3 سنوات متزوجه الناس يتصلوا يبو يشوفو صوري.. ومو مصدقين اني تصلحت عندها...


وتدرون وش السر.. اول شي خلتني اغسل بشرتي بعدين حطت كريم اولاي بخلاصة التوت..حطت كميه كبيره وقالت لي اروح افطر عشان اعطي البشره وقت تمتص الكريم يعني لمده 20 الى 30 دقيقه.. بعدين زهمتني مره ثانيه وحطت لي كريم اساس من الماركات الرخيصه جدا اللي لونه من برى بيج ومكتوب عليه بالذهبي والله اني نسيت الاسم( بنات اللي عرفته ترد علي لاني ابي اشتريه) المهم وحطت في يدها شوي كريم اولاي نقطه بس وخلطت معاها كونسيلر كان عندي في الشنطه من ماركة كلينك وحطته تحت عيوني وفوقها وشوي على عظمه الانف والخدود.. بعدين اخذت البودره من نفس الماركه وحطتها على وجهي.. كثرتها مره وانا اقول لا خلاص صار شكلي يخوف.. قالت اصبري شوي.. بعدين جابت مكعبين ثلج ومررتهم على المكياج من الجبهه الى نهاية الرقبه.. وجففته بمنديل ورقي بطريقه التربيت.. واخر شي اخذت البودره ومسحت مسحه خفيفه على وجهي..

وجاء دور الظل والله يابنات ان علبة الظل الكامله تقول اشترتها ب25 بس وتحط في الفرشه مويه بعدين تحطه في اللون وترسم عيوني.. والكحل استخدمت الكحل الذهبي القديم ذوبته شوي بالولاعه ورسمت عيوني من تحت ومن جوى.. ومن فوق استخدمت كحل محمود سعيد السائل.. وبعد ماخلصت الظل حطت لي لمعه على الخدود..

المهم مو كل مكياج غالي هو اللي حلو .. كل المكياج زي بعضو بس المهم هو كيف تتفننين في استخدامه..:27:



اتمنى تستفيدو من تجربتي.. وحياكم الله